Заң мен Тәртіп: сыбайлас жемқорлықсыз әскери қызмет

Сыбайлас жемқорлыққа қарсы қызметтің Абай облысы бойынша департаменті Абай өңірлік гарнизонының әскери полиция басқармасымен бірлесіп әскери қызметшілер үшін әскери қызмет саласындағы сыбайлас жемқорлық тәуекелдері туралы хабардарлықты арттыруға бағытталған түсіндіру дәрісін өткізді.

Іс-шара барысында қызметкерлер өз қызметі барысында әскери қызметшілер тап болуы мүмкін ықтимал жемқорлық тәуекелдеріне қатысты өзекті мәселелерді талқылады. Кез келген жағдайда «Заң мен Тәртіп» қағидатын сақтау, сондай-ақ сыбайлас жемқорлық көріністерінің алдын алу қажеттілігіне баса назар аударылды.

Департамент қызметкерлері сыбайлас жемқорлыққа қарсы жұмыстардың үнемі жүргізілуі керек екенін, сондай-ақ осындай іс-шаралардың әскери қызметшілердің санасын қалыптастыру және жемқорлық тәуекелдерді азайтуға ықпал ететінін атап өтті. Лекция барысында қызметшілерге мүдделер қақтығысының алдын алу жолдары мен құқық бұзушылықтар туралы хабарлау тетіктері түсіндірілді.

Бұл іс-шара әскери саладағы құқықтық нормалар мен сыбайлас жемқорлыққа қарсы тәжірибені нығайтуға бағытталған тұрақты жұмыстың бір бөлігі болып табылады.