Сыбайлас жемқорлыққа қарсы қызметтің Абай облысы бойынша департаменті тестілеудің ашықтығын қамтамасыз етті

 «Жас Ұлан» арнайы ерлер мектеп-лицейінде жаңа оқу жылына оқушыларды қабылдау үшін тестілеу өткізілді. Іріктеу процесінде ашықтықты, объективтілікті қамтамасыз ету және сыбайлас жемқорлық тәуекелдеріне жол бермеу мақсатында байқау комиссиясының құрамына Сыбайлас жемқорлыққа қарсы қызметтің Абай облысы бойынша департаментінің өкілдері шақырылды.

Департамент өкілдерінің қатысуы тестілеудің барлық қатысушылары үшін адалдық пен тең жағдайларды қамтамасыз етудің негізгі факторы болды. Комиссия мүшелері рәсімнің барлық кезеңдерін, яғни тіркеуден бастап қорытындылауға дейін бақылап отырды, бұл сыртқы араласуды болдырмауға және ашықтық атмосферасын құруға мүмкіндік берді.

Бұл тәсіл ата-аналар мен жалпы қоғамның білім беру мекемелеріне түсу процесіне деген сенімін нығайтуға ықпал етеді және жастар арасында академиялық адалдық мәдениетін қалыптастырудағы маңызды қадам болып табылады.

Сыбайлас жемқорлыққа қарсы қызметтің Абай облысы бойынша департаменті бұдан әрі әлеуметтік салада, әсіресе білім беру мекемелеріне түсу сияқты процестерде қоғамдық мониторинг тәжірибесін жалғастыратын болады.