2025 жылғы 19 желтоқсанда Алтай ауданының мәслихатының кезекті 37-сессиясы өтті.

Сессия жұмысына аудан әкімі, Қоғамдық кеңес мүшелері, аудандық бөлімдер мен мекемелердің басшылары қатысты.

Сессия барысында ауданның әлеуметтік-экономикалық дамуына және мәслихаттың қызметін ұйымдастыруға қатысты мәселелер қаралды. Депутаттар 2026–2028 жылдарға арналған аудандық бюджет жобасын талқылады, мәслихат төрағасының есебін, сондай-ақ Алтай және Серебрянск қалалары әкімдерінің жүктелген міндеттерді орындау барысы туралы есептерін тыңдады.

Сонымен қатар, Алтай ауданы мәслихатының 2026 жылға арналған жұмыс жоспарын және тұрақты комиссиялардың жоспарларын бекіту мәселесіне ерекше назар аударылды.

Күн тәртібіндегі барлық мәселелерді қарау қорытындысы бойынша депутаттар ұсынылған ақпаратқа тиісті баға беріп, тиісті шешімдер қабылдады.