2025 жылғы 7 қарашада «Дородницкое негізгі мектебі» КММ-де оқу орнының 55 жылдық мерейтойына арналған салтанатты шара өтті

Мектеп ұжымын, педагогикалық еңбек ардагерлерін, түлектер мен оқушыларды шын жүректен құттықтап, Алтай ауданының мәслихатының төрайымы Лариса Александровна Гречушникова сөз сөйледі. Өз сөзінде ол ұстаздардың білім беру саласын дамытуға, өскелең ұрпақты тәрбиелеуге және мектептің ең үздік дәстүрлерін сақтауға қосқан үлесінің маңыздылығын атап өтті.

Мерейтой шын мәнінде туған мектеппен байланысы бар барша жандарды біріктірген нағыз мереке болды. Бұл күні алғыс сөздері айтылып, ізгі тілектер білдіріліп, мектеп тарихының жарқын беттері мен оның қалыптасуына үлес қосқан тұлғалар еске алынды.