Алтай ауданы мәслихатының депутаттары, Қоғамдық кеңес өкілдері және Алтай қаласының әкімі С.В. Охременко Грехово кентіндегі автокөлік жолындағы су өткізу құрылғысын қарап шықты.

Бұл учаске ұзақ уақыт бойы қанағаттанарлықсыз жағдайда болған. Тұрғындардың көптеген өтініштері бойынша депутаттар атқарушы билікке бірнеше рет осы жол учаскесін жөндеу мәселесін көтеріп, депутаттық сауалдар жолдап, шаралар қабылдауды талап еткен болатын.

Биыл жөндеу жұмыстары сәтті жүргізіліп, белгіленген мерзімде аяқталды. Нысан қалпына келтіріліп, толық көлемде жұмыс істеп тұр.

Грехово кентінің тұрғындарынан ұзақ уақыт назардан тыс қалған мәселенің шешілгені үшін алғыс сөздері келіп түсуде.