Аудан мектептерінде білім алушылардың тамақтануын ұйымдастыруға бақылау жүргізілді

2026 жылғы 05 ақпанда ведомствоаралық сараптамалық топтың жұмыс жоспарына сәйкес, білім алушылардың тамақтануын ұйымдастыруды бақылау мақсатында білім бөлімінің басшысы Б.К. Канафина және білім бөлімінің бас маманы О.А. Рогожина «Подорленок бастауыш мектебі» КММ мен «Путинцево орта мектебі» КММ асханаларына барды.
Аталған білім беру ұйымдарында өз асханалары жұмыс істейді, білім алушыларды тамақтандыру штаттық аспаздар арқылы жүзеге асырылады.
Барудың барысында тағам дайындайтын бөлімше мен асхана залының санитарлық жағдайы, азық-түліктерді сақтау шарттары және олардың жарамдылық мерзімдері тексерілді. Асхана қызметкерлерінің жеке бас гигиенасы ережелерін сақтауына ерекше назар аударылды.
Мектеп басшыларына тағам дайындайтын бөлімшеде санитарлық-гигиеналық талаптарды одан әрі сақтау және оқушылардың тамақтануын ұйымдастыруға бақылауды күшейту бойынша ұсыныстар берілді.