Алматы облысы денсаулық сақтау басқармасының басшысы тағайындалды

Алматы облысы әкімінің өкімімен Алмат Тұрысбекұлы денсаулық сақтау басқармасының басшысы лауазымына тағайындалды.

Алмат Тұрысбекұлы 1969 жылы туылған, білімі жоғары, 1996 жылы С.Асфендияров атындағы Алматы қаласының мемлекеттік медициналық институтын «емдеу ісі» мамандығы бойынша бітірген. Медицина ғылымдарының кандидаты, профессор.

Еңбек жолын 1996 жылы Іле аудандық емханасында дәрігер-хирург болып бастаған.

Әр жылдары А.Н.Сызғанов атындағы ұлттық ғылыми хирургия орталығының кардиохирургия мамандығы бойынша аспиранты, кардиохирургия бөлімінің жетекші ғылыми қызметкері, бөлім меңгерушісі, С.Асфендияров атындағы Қазақ ұлттық медициналық университетінде кафедра доценті, меңгеруші, Алматы қаласының кардиология орталығының директоры, Алматы қаласының қоғамдық денсаулық сақтау басқармасы басшысының орынбасары, «Ақсай» республикалық балалар клиникалық ауруханасының директоры.