Агросалада 33,5 миллиард теңгеге 17 жоба іске асырылуда

Биыл облыстың агроөнеркәсіп кешенінде жалпы құны 33,5 миллиард теңгені құрайтын 17 инвестициялық жоба жүзеге асырылып жатыр. Оның ішінде 8 жоба пайдалануға берілді. Олардың қатарында сүт фермалары, қайта өңдеу зауыттары мен жылыжай кешендері бар.

Бұл жобалар 500-ден астам жаңа жұмыс орнын ашуға және өңір ішінде ауыл шаруашылығы өнімдерін қайта өңдеу көлемін ұлғайтуға мүмкіндік береді.

«Әрбір жаңа жоба – қосылған құн мен жергілікті өңдеу үлесін арттыруға бағытталған. Инвесторларға барлық кезеңде қолдау көрсетіледі», — деді Ғалым Тоқпейісов.