Цифрлық трансформация іс жүзінде: Алматы облысында қос мақсатты тіректерді орнату басталды

Алматы облысында қос мақсатты тіректерді (ҚМТ) орнату бойынша маңызды инфрақұрылымдық жоба басталды — бұл мобильді байланыс, интернет, бейнебақылау, жарықтандыру және басқа да цифрлық модульдерге арналған заманауи телекоммуникациялық құрылымдар. Бұл бастама облыстың цифрлық технологиялар басқармасы мен байланыс операторлары арасындағы ынтымақтастық туралы меморандум аясында жүзеге асырылуда. Жобаның операторы — телекоммуникациялық шешімдерге маманданған «NEW TOWERS» ЖШС.

Жоба Мемлекет басшысының сапалы цифрлық инфрақұрылымды дамыту және елді мекендердің бірыңғай сәулеттік келбетін қалыптастыру жөніндегі тапсырмасын іске асыруға бағытталған. Басты бағыттардың бірі — ҚМТ өндірісін облыс аумағында жергіліктендіру.

Универсалды тіректер жеке-жеке орнатылатын құрылымдар санын азайтып, қалалық ортаға үйлесімді түрде енгізіледі. Сонымен қатар, олар көпқабатты тұрғын үйлердің шатырына базалық станциялар орнатуға тұрғындардың қарсылығын болдырмайды — жабдықтар арнайы жобаланған нысандарға орналастырылады, бұл әлеуметтік шиеленісті азайтып, байланыс сапасын арттырады.

Әр тірек бір уақытта екі-үш операторға қызмет көрсете алады, бұл тығыз құрылыс салынған және шалғай аудандар үшін аса маңызды. Монтаждау жұмыстары экологиялық нормаларға сай жүргізілуде: антенналардың сәуле шығару аймағы қауіпсіз биіктікте (25–26 метрде) орналасқан, барлық жобаларға экологиялық қорытындылар мен қажетті рұқсаттар алынған. Стандарттардың сақталуын «NEW TOWERS» ЖШС қадағалайды.

Алматы облысы цифрлық болашаққа сенімді қадам жасауда. Базалық станцияларды бірлесіп орналастыру жоспарлануда, бұл инфрақұрылымды қайталаудан арылтып, ресурстарды ұтымды пайдалануға мүмкіндік береді. Болашақта — ҚМТ-ның отандық өндірісін іске қосу көзделіп отыр, бұл технологиялық дербестікті қамтамасыз етіп, жаңа жұмыс орындарын ашып, өңірдің индустриялық өсуіне серпін береді.

Облыс әкімі инвесторларды цифрлық трансформацияға қатысуға шақырады. «NEW TOWERS» ЖШС жобасын іске асыру — еліміздің стратегиялық мақсаттарына сай келетін «ақылды» қалалар мен заманауи цифрлық өңірлерге бет алудың нақты қадамы.