Жарыстың басталуы: 6 мамыр күні сағат 10:00-де.
Салтанатты ашылу рәсімі: 6 мамыр күні сағат 12:00-де.
Өтетін орны: Қарасай ауданы №1 МБЖСМ (Қаскелең қаласы, Дарбай Бөгенбай көшесі, 1А).
Аталған жарысқа Алматы облысының өңірлерінен келген жалпы білім беретін мектептердің мұғалімдері қатысады. Қатысушылар 5 салмақ дәрежесінде бақ сынайды: 60 кг, 70 кг, 80 кг, 90 кг, +90 кг. Барлық қатысушылар – аудандық және қалалық іріктеу турнирлерінің жеңімпаздары.
Спорттық іс-шараның негізгі мақсаты – Қазақ күресі ұлттық спорт түрін білім беру саласы қызметкерлері арасында кеңінен насихаттау; педагогтердің денсаулығын нығайту және олардың дене белсенділігін арттыру; ұлттық дәстүрлер мен мәдени мұраны дамыту және сақтау; мұғалім мамандығының беделін спорт арқылы көтеру.
Жеңімпаздар мен жүлдегерлерді марапаттау рәсімі 6 мамыр күні финалдық белдесулерден кейін бірден өткізіледі.
Ұйымдастырушылар: Алматы облысының дене шынықтыру және спорт басқармасы, Алматы облысының білім басқармасы, «Алматы облысының бұқаралық спорт клубы».
Байланыс телефондары:
+7 775 691 7976 (Жангелді Хамитов)
+7 778 170 0786 (Ержан Белгібаев).