2026 жылғы 4–5 сәуір күндері Қазақстан республикасының еңбек сіңірген жаттықтырушысы, Жамбыл ауданының құрметті азаматы Атабек Әлиевтің құрметіне арналған жасөспірімдер арасында еркін күрестен облыстық турнир өтеді.
Жарыстың басталуы: 4 сәуір күні сағат 10:00.
Салтанатты ашылу рәсімі: 4 сәуір күні сағат 12:00.
Өтетін орны: Жамбыл ауданының балалар-жасөспірімдер спорт мектебі, Ұзынағаш ауылы, Саурық батыр көшесі, 171-а.
Жүлделер мен спорттық атақтар үшін Алматы облысының өңірлерінен келген 2012–2013 жылдары туған жас балуандар бақ сынайды. Турнирге 200-ден астам спортшының қатысуы күтілуде. Олар 10 салмақ дәрежесінде (38 кг-нан +85 кг-ға дейін) өз шеберліктерін, күш-жігері мен жеңіске деген ерік-жігерін көрсетеді.
Облыстық турнирдің негізгі мақсаты – еркін күресті дамыту және насихаттау, қатысушылардың спорттық шеберлігін арттыру, сондай-ақ спортшылар мен жаттықтырушылар арасындағы достық байланысты нығайту. Сонымен қатар, мұндай жарыстар жас балуандарға алдағы жарыстарға қажетті тәжірибе жинақтауға мүмкіндік береді.
Марапаттау рәсімі 5 сәуір күні финалдық белдесулерден кейін бірден өтеді деп жоспарлануда. Әр салмақ дәрежесінің чемпиондары чемпиондық белбеулерге ие болады. Жеңімпаздар мен жүлдегерлер кубоктар мен дипломдардан бөлек ақшалай сыйлықтармен марапатталады.
Ұйымдастырушылар: Алматы облысының дене шынықтыру және спорт басқармасы; Алматы облысының «Бұқаралық спорт клубы».
Байланыс телефондары: +7 778 377 7617 (Қуаныш Ботабаев), +7 777 290 7005 (Алихан Искали).