2025 жылдың 9–14 мамыр күндері аралығында Алматы облысында 500 шақырым қашықтықта «Ұлы дала жорығы» халықаралық марафон-бәйгесі өтеді. Шараға Ресей, Қырғызстан, Түркия, Иран, Мажарстан және басқа елдерден келген шабандоздар қатысады деп күтілуде. Барлығы 15-ке жуық мемлекеттен өкілдер бақ сынамақ.
Ұйымдастыру бағдарламасы:
- Марафон ұзақтығы: 5 күн
- Жалпы қашықтық: 500 шақырым
- Басталуы: Алматы – Өскемен тас жолындағы Бақанас көпірі
- Бағыт:
- Балқаш ауданы: Миялы, Бақбақты, Бақанас, Ақдала, Бояулы, Береке, Бура, Үшжарма, Ақжар, Аралтөбе, Желтораңғы, Топар ауылдары
- Жамбыл ауданы: Қаншеңгел, Ащысу, Айдарлы, Бозой ауылдары
- Іле ауданы: Ақши ауылы
- Мәресі: Қонаев қаласы, «Қарлығаш» шағын ауданы
- Жабылу салтанаты мен марапаттау рәсімі: Қонаев қаласының орталық алаңы
Қосымша іс-шаралар:
- Асыл тұқымды жылқылар көрмесі: Ұлттық жылқы тұқымдары мен олардың ерекшеліктері таныстырылады.
- Ұлттық қолөнер көрмесі: Қазақ халқының бай мәдени мұраларын дәріптеу.
- Туристік қалашықтар мен фотозоналар: Ел мәдениеті мен салт-дәстүрін насихаттауға арналған арнайы аймақтар ұйымдастырылады.
«Ұлы дала жорығы» — ұлттық мәдениетті әлемге танытатын, рух пен ерлікті ұлықтайтын ауқымды халықаралық іс-шара болмақ.