Баспасөз мәлімдемесі
БАҚ назарына!
Құрметті әріптестер!
Қазақстан Республикасы Тәуелсізідігінің 30 жылдығына орай, Алматы облысы, Сарқан ауданы, Сарқан қаласында «Нұрлы жер» мемлекеттік бағдарламасы аясында салынған 5 қабатты 50 пәтерлі тұрғын үй қолданысқа беріледі. Көпқабатты жаңа тұрғын үйден баспаналы болатындар: жас және көпбалалы отбасылар, бюджеттік сала қызметкерлері және үй кезегінде тұрған басқа да аудан азаматтары.
Жаңадан беріліп жатқан тұрғын үй заман талабына сай жасақталып, барлық коммуникациялық желілерге қосылған. Сондай-ақ, балалар ойнайтын алаңқаймен қоса автокөлік тұрағы бар.
Тұрғын үй жұмысына жалпы соммасы 505,630 млн. теңге қаражат бөлінген. Тапсырыс беруші: «Сарқан аудандық құрылыс бөлімі» мемлекеттік мекемесі, құрылыс жұмыстарына жауапты мердігер компания: "Golden City DS" ЖШС.
Ұйымдастырушы: Сарқан ауданының әкімдігі
Өткізілетін уақыты: 29 желтоқсан, сағат: 10.00
Өткізілетін орны: Алматы облысы, Сарқан ауданы, Сарқан қаласы
Сіздерден аталған шараға ақпараттық қолдау көрсетулеріңізді сұраймыз!
?Сарқан ауданы әкімінің баспасөз қызметі
( 8 (728239) 21882