Саяси партия өкілдеріне арналған семинар

Алматы облысының аумақтық сайлау комиссиясы облыстың саяси партияларының өкілдеріне арналған семинар өткізді

2026 жылғы 21 шілдеде Алматы облысының аумақтық сайлау комиссиясы 2026 жылғы 23 тамызға тағайындалған Қазақстан Республикасы Құрылтайы депутаттарының сайлауын даярлау мен өткізу мәселелері бойынша облыстың саяси партияларының өкілдеріне арналған семинар өткізді.

Семинар барысында Қазақстан Республикасы Құрылтайы депутаттарының сайлауын даярлау мен өткізудің ерекшеліктері қарастырылып, сайлау заңнамасындағы өзгерістер бойынша, сайлауалды үгіт жүргізу тәртібі, сондай-ақ саяси партиялардың сенім білдірілген адамдарының қызметі жөнінде түсіндіру жұмыстары жүргізілді.

Сонымен қатар, семинарға қатысушылар ағымдағы сайлау науқанына қатысты құқықтық және ұйымдастырушылық сипаттағы өздерін қызықтырған барлық сұрақтарға жан-жақты жауаптар алды.