2023 жылы облыс бойынша 60506 жаңа жұмыс орнын құру жоспарланған, оның ішінде 47972 тұрақты жұмыс орны.
Ағымдағы жылдың 1 ақпанына 2796 жұмыс орны құрылды, оның ішінде 1993 тұрақты жұмыс орны.
Қазақстан Республикасы Үкіметінің 2021 жылғы 12 қазандағы қаулысымен Кәсіпкерлікті дамытудың 2021-2025 жылдарға арналған Ұлттық жобасы бекітілді. Ұлттық жоба аясында жұмыспен қамтуға жәрдемдесудің барлық белсенді шаралары қарастырылған.
Жоба аясында орта жастағы 845 адамды қысқа мерзімді кәсіптік оқыту жоспарлануда, оқу мерзімі 1 - 6 ай, 299,6 млн.теңге бөлінді.
Облыс бойынша 946,7 млн.теңге сомасына 400 АЕК-тен 686 грант беру көзделетін болады.
Жұмыспен қамтудың белсенді шараларымен 13 640 адам қамтылатын болады, 7,6 млрд.теңге көзделген. Оның ішінде:
- әлеуметтік жұмыс орындарына - 569 адам,
- еңбекақыны субсидиялауға (мүгедектерді жұмысқа орналастыру үшін арнаулы әлеуметтік жұмыс орындары) - 10 адам,
- жастар тәжірибесіне - 981 түлек,
- қоғамдық жұмыстарға - 6184 адам,
- алғашқы жұмыс орнына - 586 адам,
- ұрпақтар келісімшартына - 46 адам,
- күміс жасқа – 975 адам.
Ағымдағы жылдың 1 ақпандағы 2308 адам жұмысқа орналастырылды, оның ішінде 1529 – тұрақты жұмыс орындарына. Жастар практикасына – 52 адам, қоғамдық жұмыстарға – 652 адам, алғашқы жұмыс орнына - 22 адам, ұрпақтар келісімшартына - 1 адам, күміс жас жобасына – 76 адам жіберілді.