Мемлекеттік сатып алу саласында сыбайлас жемқорлық тәуекелдерінің алдын алу жұмыстары күшейтілуде.

Алматы облысының мемлекеттік сатып алу басқармасында мемлекеттік сатып алу рәсімдерінің заңдылығын, ашықтығын және тиімділігін қамтамасыз етуге бағытталған профилактикалық жұмыстар тұрақты түрде жүргізілуде.

Басқарма қызметінің негізгі бағыттарының бірі — мемлекеттік сатып алу саласында сыбайлас жемқорлық тәуекелдерінің алдын алу, бюджет қаражатының тиімді пайдаланылуын қамтамасыз ету және сатып алу рәсімдеріне қатысушылар үшін тең қолжетімділік қағидаттарын сақтау.

Осы бағытта қызметкерлер арасында сыбайлас жемқорлыққа қарсы шектеулерді сақтау, мүдделер қақтығысының алдын алу, қызметтік міндеттерді орындау кезінде объективтілік пен ашықтықты қамтамасыз ету мәселелері бойынша түсіндіру жұмыстары жүргізілді.

Сонымен қатар, мемлекеттік сатып алуды жоспарлау, бағаның негізділігі, техникалық ерекшеліктерді қалыптастыру, сатып алу рәсімдерін жүргізу және бюджет қаражатын тиімсіз пайдалануға жол бермеу мәселелеріне ерекше назар аударылды.

Басқармада мемлекеттік сатып алу рәсімдерінің ашықтығын қамтамасыз ету, ішкі бақылауды күшейту және сыбайлас жемқорлық тәуекелдерін төмендету бағытындағы жұмыстар алдағы уақытта да жалғасатын болады.