23 сәуір «Алатау жастары» жастар ұйымын аудандық ардагерлер кеңесінің жанынан құру мақсатында жиын өтті.

https://www.instagram.com/reel/C6HCI8AIR5V/?igsh=dWhrdWgwYmgxdms1

Жергілікті жерлерде ақсақалдар, ардагерлермен бірлесе отырып жастар тәрбиесі, ұлттық дәстүрді жаңғырту, мемлекетті дамыту жолында жастардың белсенділігін арттыру мақсатында 9 сәуір күні облыстық ардагерлер кеңесінің жанынан «Алатау жастары» жастар ұйымы құрылған болатын. Бүгін «Алатау жастары» жастар ұйымын аудандық ардагерлер кеңесінің жанынан құру мақсатында жиын өтті. Жиынға ауылдық округтерден, ақсақалдар, аналар кеңестерінің төрағалары, мешіт имамдары, жастар қатысты. Аудандық ардагерлер кеңесінің төрағасы Б.Бірбаев «Алатау жастары» жастар ұйымының төралығына Райымбек ауданының бұқаралық-спорттық іс-шараларды өткізу орталығының директоры, аудандық мәслихаттың депутаты - Ғабиден Данияр Дүйсенұрұлын ұсынды. Жиналысқа қатысушылар тарапынан ұсыныс бірауыздан қолдау тауып, ұйым төрағасы болып Ғабиден Данияр Дүйсенұрұлы сайлады.