Қонаевта 75 отбасыға атаулы әлеуметтік көмек көрсетілді

Қонаев қаласының жұмыспен қамту және әлеуметтік бағдарламалар бөлімі 2025 жылдың алғашқы үш айында халықты әлеуметтік қолдауға бағытталған кешенді жұмыстарды атқарды.

Негізгі нәтижелер:

•Атаулы әлеуметтік көмек (АӘК): 75 отбасыға 11,5 млн теңге төленді. Жалпы бөлінген қаражат – 209,8 млн теңге.

•Кепілдендірілген әлеуметтік пакет: 377 балаға 1,5 млн теңге төленді.

•Тұрғын үй көмегі: 13 отбасыға 331,9 мың теңге берілді.

•Мүгедектігі бар балаларды үйде оқытатын отбасыларға: 47 бала үшін 1,4 млн теңге әлеуметтік көмек көрсетілді.

•Мерекелік және атаулы күндерге орай: ҰОС ардагері Оксана Бетебаеваға 5 млн теңге көлемінде біржолғы көмек берілді. Сондай-ақ Ауған соғысының 91 ардагеріне 17,8 млн теңге төленді.

2025 жылдың басынан бастап әлеуметтік қызметтер порталы арқылы:

•200 адам – гигиеналық құралдармен,

•18 адам – кресло-арбамен,

•28 адам – протездік-ортопедиялық құралдармен қамтамасыз етілді.

Сонымен қатар 37 адам санаторлық-курорттық емделуге жіберілді, 43 адам жеке көмекші қызметін алды.

Қосымша қолдау:

•Туберкулезбен ауыратын 20 азаматқа 1,1 млн теңге,

•Аз қамтылған көпбалалы отбасылардың балаларына балабақша төлемақысын субсидиялауға 608,2 мың теңге бөлінді.

Қала әкімдігі тұрғындарды әлеуметтік қолдау шараларын тұрақты түрде жалғастырады.