Қонаевта құрылыс және сауда нысандары тексерілуде: бірқатар заңбұзушылық анықталды

Қонаев қаласында құрылыс нысандары, уақытша (мобильді) сауда нүктелері мен абаттандыру жағдайын бақылау жұмыстары жалғасуда. Мониторингке қалалық сәулет және қала құрылысы бөлімі, кәсіпкерлік бөлімі және прокуратура бірлесіп қатысуда.

Тексеру барысында 3 және 4-шағынаудандарда рұқсат құжаттарынсыз орнатылған уақытша нысандар анықталды. Аталған нысандардың иелеріне заңбұзушылықтарды белгіленген мерзімде жою туралы ресми ескертулер берілді. Сонымен қатар, бейберекет сауданы ұйымдастыру мақсатында өздігінен қойылған қоршаулар алынған.

Сондай-ақ құрылыс саласындағы заңнама талаптарына, атап айтқанда, ҚР «Сәулет, қала құрылысы және құрылыс қызметі туралы» Заңының 68-бабына сәйкес келмейтін нысандар бойынша тиісті шаралар қабылданатыны хабарланды.

Аталған мониторинг жұмыстары Қонаев қаласында сәулет, қала құрылысы және абаттандыру салаларында заңдылықты қамтамасыз ету мақсатында тұрақты түрде жүргізіледі.