Құрметті шахмат сүйер қауым!
ҚР Парламенті Сенатының қолдауымен, Қазақстан шахмат федерациясы және облыстық мәслихат аппаратының ұйымдастыруымен 2025 жылдың 6 сәуірінде «Senat Open» 2-ші ашық Кубогының іріктеу туры ұйымдастырылады.
Турнирдің мақсаты:
- Шахматты саяси қайраткерлер, барлық деңгейдегі депутаттар жане қоғам өкілдері арасында танымал ету;
- Қазақстан Шахмат Федерациясының атқарушы дирекциялары мен жергілікті жерлердегі өкілді билік органдары арасындағы берік байланысты нығайту;
- Шахмат спортын дамытуға жергілікті атқарушы органдардың назарын аудару;
Жарысқа барлық деңгейдегі мәслихат депутаттары, қоғамдық кеңестердің мүшелері мен БАҚ өкілдері, ардагерлер, мемлекеттік қызметшілер және білім, мәдениет саласының қызметкерлері қатыса алады.
Алматы облысы бойынша 2-ші Ашық Кубогының іріктеу кезеңі сағат 10.00-де Талғар ауданы Бесағаш ауылының мәдениет үйінде өтеді.
Байрақты бәсекеден қапы қалмаңыздар!