Алматы облысы Іле ауданында «Таза Қазақстан» республикалық экологиялық науқаны аясында, «Киелі Мекен» экологиялық акция апталығы аяқталды.
Бұл жолы Іле ауданының тұрғындары тарихи орындар мен мәдени ескерткіштерді ретке келтірді.
Оған барлығы 6 мыңнан астам адам қатысты. Сенбілікке 115 арнайы техника тартылып, 9,994 гектар жер қоқыстан тазартылды.
Естеріңізге сала кетейік, «Таза Қазақстан» экологиялық акциясы 6 сәуірде басталып, 11 мамырға дейін жалғасады. Акция аясында тарихи-мәдени ескерткіштерде, ардагерлер үйлерінде сенбіліктер өткізу және жаппай ағаш отырғызу жоспарланған.