«Таза Қазақстан»: Алматы облысында «Таза табиғат – Таза сана» ақпараттық-кездесу өтті

Республикалық «Таза Қазақстан» экологиялық бағдарламасы аясында, Қазақстан Республикасы Конституцияның 30-жылдығына орай, Алматы облысы Еңбекшіқазақ ауданындағы Есік өзенінің бойында «Таза табиғат – Таза сана» атты open-air форматында ақпараттық-кездесу шарасы ұйымдастырылды. Іс-шараның мақсаты – экологиялық мәдениетті қалыптастыру, қоршаған ортаға деген жауапкершілікті арттыру және азаматтарды табиғатты қорғауға тарту.

Шараға 100-ден астам адам қатысты. Олардың қатарында қоғамдық ұйым өкілдері, экологиялық еріктілер, мекеме қызметкерлері мен жергілікті тұрғындар болды.

Қатысушыларға арнап құттықтау сөз сөйлеген аудандық ардагерлер кеңесінің төрағасы Ұзақов Тілеулес Дүйсебайұлы табиғатты келер ұрпақ үшін таза сақтау маңызды екенін атап өтіп, экологиялық мәселелерді шешудегі азаматтық қоғамның рөлін ерекше атап өтті. «Биыл Елімізде бірқатар маңызды мерейтойлық даталар атаплып өтуде. Олардың ішінде Ата заң – Конституциямыздың қабылданғанына 30-жыл толып отыр. Қоршаған ортаны күтіп ұстау дегеніміз де Ата заңымызға, табиғатқа деген құрмет деп түсінемін. Таза табиғат – таза сана кепілі. Туған жеріміздің қайталанбас табиғатын біз тек бірлесе әрекет еткенде ғана сақтап қала аламыз», – деді өз сөзінде Ұзақов Тілеулес Дүйсебайұлы.

Шара барысында қатысушылар арасында экологиялық қауіпсіздік пен табиғи ресурстарды ұтымды пайдалану мәселелері бойынша ақпараттық-түсіндіру жұмыстары ұйымдастырылып, пікір алмасу өтті. Осындай экологиялық тақырыптағы ақпараттандыру шаралар алдағы уақытта да жалғасын табады.

#ТазаҚазақстан #устойчивоеразвитие #чистаястрана #экология #TazaChallenge @TazaQazaqstan