Алматы облысы Діни бірлестіктер көшбасшылары клубының мүшелері Конституцияның 30 жылдығына орай Бутаков шатқалында бас қосты

Алматы облысы Діни бірлестіктер көшбасшылары клубының мүшелері бүгін Қазақстан Республикасы Конституциясының 30 жылдығына орай Бутаков шатқалына арнайы серуен ұйымдастырды.

Шараға ислам, католиктік және елуіншілер конфессияларының өкілдері қатысып, мемлекетіміздің ең басты құндылықтарының бірі – бейбітшілік пен конфессияаралық келісімді дәріптеді. Табиғат аясында ашық пікір алмасу, достық әңгімелер өрбіді. Қатысушылар мерекелік дастархан басында бірліктің, өзара құрметтің, ортақ құндылықтардың маңызын тағы да айшықтады.

Бұл басқосу діни бірлестіктер арасындағы ынтымақтастықты нығайтып қана қоймай, қоғамдағы рухани келісім мен бірліктің Қазақстан үшін қаншалықты маңызды екенін айқын көрсетті. Конституция күні – баршамызды ортақ мақсатқа, ел игілігі үшін жұмылуға шақыратын ерекше мереке.