Қазақстан Президенті Қасым-Жомарт Тоқаев жұмыс сапарымен Алматыға келді

Қазақстан Президенті Қасым-Жомарт Тоқаев жұмыс сапарымен Алматыға келді. Бұл туралы Мемлекет басшысының баспасөз хатшысы Берік Уәли өзінің Facebook парақшасында хабарлады.

 

 

«Мемлекет басшысы Алматы қаласындағы резиденциясында еліміздің қаржы секторының өкілдерімен кездесу өткізеді», - деп жазды ол.

 

Жұмыс сапарының бағдарламасы бойынша Президент қаладағы бірқатар әлеуметтік, білім беру мекемелерін және басқа да нысандарды аралап көреді, сондай-ақ ЖЭО-ның бірінде жүргізіліп жатқан реконструкцияның барысымен танысады.