Құрметті алматылықтар!

Алматы қаласының Сәулет және қала құрылысы басқармасы Алматы қаласы мәслихатының «Сыртқы (визуалды) жарнаманы орналастыру үшін төлем мөлшерлемелерін бекіту туралы» шешімінің жобасын әзірледі. Аталған жоба мәслихаттың қарауына енгізілетін болады.

Жобаға сәйкес ұсынылады:
- LED экрандардың өлшемдеріне қарай сыртқы (визуалды) жарнаманы орналастыруға арналған төлем мөлшерлемелерін сараланған түрде бекіту (мысалы, ірі форматтағы LED экрандар үшін төлем мөлшерлемелерін арттыру және шағын форматтағы LED экрандар үшін төлем мөлшерлемелерін төмендету);
- шағын бизнес субъектілері жиі пайдаланатын сыртқы (визуалды) жарнама нысандарына төлем мөлшерлемелерін төмендету (мысалы, штендерлер бойынша төлемді азайту).

Төлем мөлшерлемелері және шешім жобасының толық мәтінімен «Ашық НҚА» порталында танысып, жобаға қатысты пікірлеріңіз бен ұсыныстарыңызды қалдыра аласыз.

Шешім жобасын «Ашық НҚА» порталында жариялау 2025 жылғы __ қазанға жоспарланған.