«Алматы қаласы Қалалық мобилділік басқармасы» КММ Қазақстан Республикасы, 050000Алматы қаласы, Алмалы ауданы, Панфилов көшесі, 84/54, тел.396-88-01 мекенжайы бойынша орналасқан Алматы қаласы әкімдігінің шаруашылық жүргізу құқығындағы «Метрополитен» коммуналдық мемлекеттік кәсіпорнының директоры лауазымының бос орнына конкурс жариялайды
Негізгі қызметінің қысқаша сипаттамасы: Кәсіпорын қызметінің мәні мен мақсаты метрополитенді пайдалану (күтіп ұстау, дамыту), Алматы қаласы метрополитенінде жолаушылар мен багажды тасымалдау, метрополитенді пайдаланушы ұйымның функцияларын орындау, құрылысты ұйымдастыру, техникалық қадағалау және ҚР заңымен тыйым салынбаған метрополитен қызметінің өзге де түрлерін орындау болып табылады.
Конкурс қатысушыларына қойылатын талаптар:
- тиісті мамандығы және кәсіби даярлық деңгейі бойынша жоғары білім: көлік; көлік техникасы; көлік тоннельдері; көлікпен тасымалды ұйымдастыру және қозғалысты басқару; теміржол көлігімен тасымалды ұйымдастыру және қозғалысты басқару; теміржолдағы жылжымалы құраммен жұмыс; теміржолдағы жылжымалы құрамды пайдалану, жөндеу және техникалық қызмет көрсету; теміржолдағы электр жүйелерін электрмен қамтамасыз ету, пайдалану, техникалық қызмет көрсету және жөндеу; теміржолды салу, жол және жол шаруашылығы; азаматтық және өнеркәсіптік құрылыс; тау-кен жұмыстарын электрлендіру және автоматтандыру; пайдалы қазындылар кеніштерін жерасты өндіру; маркшейдерлік іс; экономика; қаржы; есеп және аудит; құқықтану; мемлекеттік және жергілікті басқару.
- мамандығы бойынша экономика саласындағы кәсіпорынның профиліне сәйкес басшы лауазымдарда кемінде 5 жыл жұмыс өтілінің болуы.
Конкурсқа қатысу үшін қажетті құжаттар:
- конкурсқа қатысу туралы өтініш;
- мемлекеттік және орыс тілдерінде жазылған түйіндеме;
- еркін нысанда жазылған өмірбаян;
- білімі туралы құжаттардың көшірмелері;
- еңбек кітапшасының көшірмесі;
- денсаулық жағдайы туралы анықтама (075 нысаны);
Конкурсқа қатысушы өзінің біліміне, жұмыс өтіліне, кәсіби даярлық деңгейіне қатысты (біліктілігін арттыру, ғылыми дәрежелер мен атақтар беру туралы құжаттардың, ғылыми жарияланымдардың көшірмелері, сондай-ақ алдыңғы жұмыс орнының басшылығынан ұсынымдар және т.б.) қосымша ақпарат бере алады.
Көрсетілген құжаттар хабарландыру жарияланған сәттен бастап күнтізбелік он бес күн ішінде Алматы қаласы, Алмалы ауданы, Панфилов көшесі, 84/54, 201 каб. мекенжайы бойынша «Алматы қаласы Қалалық мобилділік басқармасына» ұсынылуы тиіс. Анықтама алу телефондары: 396-88-01, + 7 701 759 65 41.
Құрметті депутаттар!
Сіздердің қарауыңызға бүгінгі кезекті Мәслихат сессиясына Алматы қаласының 2023 жылғы бюджетіне өзгерістер ұсынылып отыр.
Ең алдымен, біздің депутаттарға және қоғамдық кеңес мүшелеріне бюджетті нақтылау процессінде басымдық берілетін іс-шараларды анықтауда бірлесіп атқарған жұмыс үшін алғыс айтқым келеді. Әкімгілерден берілген бюджеттік өтінімдер мәслихаттың салалық комиссияларында нақты қаралды.
Нақтыланған бюджет жобасы Сіздердің сындарлы ұсыныстарыңыз, сондай-ақ қала әкімінің аудан тұрғындарымен есептік кездесулерінде айтылған ұсыныстарды ескере отырып қалыптастырылды.
Сатып алудан қалыптасқан үнемдеудің, сондай-ақ салықтық және салықтық емес түсімдердің өсуінің арқасында қала дамуына одан әрі инвестиция салуға мүмкіндік туып отыр.
Жалпы, бюджетті нақтылау:
- жергілікті бюджеттің кіріс бөлігінің 81,9 млрд. теңгеге ұлғаюы;
- бюджеттік бағдарламалар әкімгерлерінің арасында
17,7 млрд. теңге бюджет қаражатын ішкі қайта бөлу есебінен жүргізілді .
Аталған қаражат қаланың тіршілігін қамтамасыз ету жұмыстарына және қала тұрғындарының өмір сүру сапасын жақсартуға бағытталатын болады.
Басым шығын әлеуметтік салаға тиесілі. Бұл 2023 жылғы бюджет шығындарының 58,7%-ін немесе 48,1 млрд. теңгені құрайды.
Мәселен, білім саласына 13,6 млрд. теңге бөлу жоспарлануда, оның ішінде:
Ағымдағы жылы 13 мектепке дейінгі ұйымда,
5 мектепте және 3 колледжде ағымдағы жөндеу жүргізу жоспарланған. Оған 910,7 млн. теңге бөлінеді.
Мемлекет басшысының тапсырмасы бойынша ағымдағы жылдың қыркүйек айынан бастап жергілікті бюджеттен әлеуметтік осал отбасылардан шыққан мектеп жасына дейінгі балаларды тегін тамақпен қамтамасыз етуге 462,5 млн. теңге қаражат көзделген.
4 мектепті (№174, №195, №155, №189) салу және реконструкциялау жұмыстарының басталуына 700 млн. теңге жоспарланған;
Балабақшалардағы орын тапшылығын төмендету мақсатында Орбита-3, Шұғыла, Құрамыс шағын аудандарында 3 балабақша құрылысын бастауға 300 млн. теңге бөлінеді. Бұл аталған аудандарда 1100-ге жуық баланы қамтуға мүмкіндік береді.
Оқу орындарын жылыту маусымына дайындау шеңберінде 14 мектеп пен 15 колледжде жылыту жүйелерін ағымдағы жөндеу үшін 909,1 млн. теңге бөлінеді.
Алмалы және Бостандық аудандарында 2 мектепті сейсмикалық күшейту жоспарлануда. Бұл ретте 150 млн. теңге бөлінеді;
9 әлеуметтік объект бойынша жобалау-сметалық құжаттама (ЖСҚ) әзірлеуге (2 мектеп, 5 балабақша, 1 дамыту және шығармашылық орталығы және 1 колледж жатақханасы) 374,6 млн. теңге қарастырылған;
Денсаулық сақтау саласына 3,8 млрд. теңге қарастырылған.
12 медициналық ұйымға орталықтандырылған зарарсыздандыру бөлімшелерін жабдықтау үшін медициналық жабдықтарды сатып алуға қаражат бөлінеді. Жалпы сомасы
2,3 млрд. теңгені құрайды.
5 денсаулық сақтау объектісін салу бойынша ЖСҚ әзірлеуге 158,3 млн. теңге сомасында қаражат көзделген;
Сирек кездесетін (орфандық) аурулардың 8 түрі бойынша 553 пациентті тегін дәрілік заттармен қамтамасыз ету үшін 495,3 млн. теңге көзделген;
Халықты әлеуметтік қолдауға 24 млрд. теңге қарастырылған.
1500-ден астам көрсетілетін қызметті алушыны қамти отырып, зейнет жастағы адамдар үшін 2 орталықтың, мүмкіндігі шектеулі адамдар үшін 6 орталықтың және өмірлік қиын жағдайда жүрген адамдар үшін 1 орталықтың үздіксіз жұмыс істеуі үшін 280,5 млн.теңге жоспарланған.
Сіздің ұсынысыңыз бойынша бейіндік комиссияларда қаралғаннан кейін жұмыспен қамту бағдарламасы шеңберінде қаржыландыруды жалғастыру жоспарлануда. Осы нақтылаумен қоғамдық жұмыстарға және «күміс жас» жобасына 5,1 млрд. теңге сомасында қаражат көздеу жоспарлануда;
Бекітілген әлеуметтік көмек тізіміне сәйкес жалпы сомасы 4,2 млрд.теңгеге 615 жеке көмекші, жестау тілінің 207 маманы және 1400-ден астам тифло-сурдо құралы және 350-ден астам протездік-ортопедиялық бұйым және 5 мыңнан астам гигиеналық құрал және т. б. қызметтер көрсетуге арналған.
Мәдениет және спорт саласына 6,7 млрд теңге қарастырылған, сонымен қатар:
Сіздердің, құрметті депутаттардың ұсынысы бойынша кітапхана жүйесінің, театр және музыка өнерінің
8 ведомстволық бағынысты ұйымының 2 мыңға жуық қызметкерінің жалақысын 30%-ға дейін арттыруға қаражат бөлу қарастырылды. Бұл мақсатқа 349,7 млн. теңге бөлінеді.
Олимпиадалық резервтегі 8 мамандандырылған балалар – жасөспірімдер мектебін және дарынды балаларға арналған интернатты, жыл сайынғы контингенті 12,4 мың баланы құрайтын жоғары спорт шеберлігі мектебін ұстауға 500-ден астам спортшыға 569,2 млн. теңге бөлінеді;
Даму бағдарламасының бір бағытын іске асыру мақсатында дамушы аудандарда кітапханалар кеңістігін кеңейту шеңберінде 5 кітапхана филиалын ашу үшін
861,3 млн. теңге сомасына үй-жайларды сатып алу жоспарланған.
Сонымен қатар, кітапхана жүйесін цифрландыру барысында жалпы сомасы 599,6 млн теңге бөлініп, жұмыстар жалғасуда. Бұл кітаптарды алу үдерісін автоматтандырып, оқырмандарға қызмет көрсету сапасын арттырады.
Тұрғын үй-коммуналдық шаруашылық саласы үшін қосымша қажеттілік 6,3 млрд. теңгені құрайды.
Қайрат, Ремизовка шағын аудандарынан «Сұңқар» шаңғы трамплиндерінің халықаралық кешеніне дейін, Ерменсай шағын ауданында электр желілерінің құрылысы аяқталуда. Бұл мақсатқа жергілікті бюджеттен 1,2 млрд теңге бөлу қажет.
Рахат-Мәдениет шағын аудандарда сумен жабдықтау және су бұру желілерінің құрылысы 1 млрд. теңгеге жалғастырылатын болады. Бұл Алатау ауданының 10 мыңға жуық тұрғынын сумен қамтамасыз етуге мүмкіндік береді.
«Alma city-5» тұрғын үй кешеніне (су құбыры мен сыртқы канализация желілері) тиісті инженерлік–коммуникациялық инфрақұрылымды қамтамасыз ету бойынша жұмыстар жалғасуда. Жергілікті бюджеттен бұл мақсаттарға 1 млрд. теңге қарастырылған.
Қаланың көлік инфрақұрылымын дамытуға 5,1 млрд теңге қарастырылған.
Даму бағдарламасының бір бағытын іске асыру шеңберінде бірыңғай платформалық ақпараттық жүйелермен біріктірілген жайлы және қолжетімді қаланы құру үшін жалпы сомасы 3,2 млрд. теңгеге автобус аялдамаларында 1000 ақпараттық (электрондық) табло орнату жоспарланған.
Бірінші метро желісінің екінші кезегі «Б. Момышұлы» станциясынан «Қалқаман» станциясына дейінгі кешенінің құрылысы жалғасуда. Бұл мақсатқа жергілікті бюджеттен 275,5 млн теңге бөлу жоспарлануда.
«Қалқаман» станциясынан «Барлық» базарына дейінгі бірінші метро желісінің үшінші кезегінің құрылысын жобалау жұмыстарын бастауға 100 млн теңге бағытталады.
Алатау ауданы, «Шаңырақ-1» шағын ауданындағы жол құрылысын жалғастыруға 428,5 млн. теңге жоспарлануда.
Қоғамдық көлік жүргізушілерінің тұрмыстық жағдайын жақсарту мақсатында, Мөңке би көшесінің оңтүстігі мен Оңғарсынова көшесінің шығысында тұрақтау-бұрылу алаңдарын салуды жоспарлауға 10 млн. теңге қаралады.
Қоғамдық тәртіпті қамтамасыз етуге 2,4 млрд теңге қарастырылған.
Адамдар көп жиналатын орындарда, аулаларда, кіреберістерде, саябақ алаңдарында, спорт және ойын алаңдарында бейнебақылау жүйесін кеңейту үшін 6000 камера орнатуға сомасы 616 млн теңге көлемінде қосымша қаражат жоспарлануда.
Құрметті депутаттар!
Жалпы, сіздермен бірлесе атқаратын жұмысымыз қаланың ең өзекті мәселелерін шешуге бағытталған.
Бүгін ұсынылған бюджет қала тұрғындарының өзекті мәселелерін шешуге ықпал ететін болады.
Бюджетті нақтылаудағы ұсыныстарға қолдау білдірулеріңізді сұраймын.
Құрметті депутаттар!
Қалада жолаушылар көлігі саласында 24 тасымалдаушы жұмыс істейді, олардың біреуі – коммуналдық, қалғандары – жеке. Маршрут желісі 164 маршруттан тұрады. Күн сайын желіге
2100-ден астам автобус пен троллейбус шығады. Олардың орташа жиілігі 95%-ға жетті.
Президенттің қоғамдық көлікті экологиялық таза түріне ауыстыру және оның тартымдылығын қамтамасыз етуге бағытталған тапсырмасын орындау мақсатында 2025 жылға дейін жеке инвестицияларды ескере отырып, 2 680 жаңа автобус және 200 троллейбус сатып алу жоспарлануда, оның ішінде биыл жергілікті бюджет есебінен - 600 автобус және 100 троллейбус, жеке инвестициялар есебінен – 500 автобус.
Бүгінде қоғамдық көлікте жол жүру тарифі 80 теңгені құрайды. Ол осыдан 11 жыл бұрын - 2012 жылы (27.06.2012 ж.) белгіленген.
Қоғамдық көлікті дамытуды қолдау үшін 2017 жылы тариф төлем тәсіліне қарай сараланды, нәтижесінде қолма-қол ақшасыз төлеу кезіндегі тариф өзгеріссіз 80 теңге болып қалды, ал қолма-қол ақшамен төлеу кезінде – 150 теңге.
10 жылдан астам уақыт ішінде маршрутқа қызмет көрсетумен байланысты барлық шығындардың құны 3 есе өсті.
Мысалы, 2012 жылы дизель отынының бағасы 90 теңгені құраса, қазір - 295 теңгені құрайды, ал газдың құны сол кезде - 33 теңге болса, бүгінгі күні ол 108 теңгені құрап отыр. Жалпы, баға 3,3 есеге өскен.
Автобустар, шиналар, жағармай материалдарының, автобустарға техникалық қызмет көрсету мен жөндеу және т.б. қызметтердің құны сияқты қалған шығындар бойынша да осындай жағдай қалыптасқан.
Тарифтің өзгермеуіне және шығындардың айтарлықтай өсуіне байланысты 2017 жылдан 2022 жылға дейін жолаушылар тасымалына бөлінген бюджеттік субсидиялар көлемі 300 млн. теңгеден 55 млрд. теңгеге дейін 183 есеге өсті.
Бұл ретте жолаушылар тасымалын субсидиялау қаланың жергілікті бюджетіне айтарлықтай жүктеме түсіретінін атап өткен жөн.
Бүгінде қоғамдық көлікте бір жолаушының бір жол жүруінің орташа нақты құны 425 теңгені құрайды. Оның ішінде жолаушы тасымалдаушыға небәрі 80 теңге, ал қалған 345 теңгені әкімдік тасымалдаушыға жолаушының орнына төлейді.
Жоғарыда көрсетілген фактілерге байланысты ағымдағы тарифті қайта қарау және қолма-қол ақшасыз төлеу кезінде - 100 теңге, қолма-қол ақшамен төлеу кезінде - 200 теңгені белгілеу ұсынылады.
Тарифті көтеру жыл сайын субсидиялау көлемін 10 млрд. теңгеге қысқартуға мүмкіндік беріп, Алматының қоғамдық көлігін дамытуға бағытталатын болады.
Жария талқылаулар жүргізу үшін әкімдік қаулысының барлық жобалары «Ашық НПА» Egov порталында орналастырылып, талқыланды.
Олар бойынша сыбайлас жемқорлыққа қарсы ғылыми сараптаманың қорытындылары және қаланың Қоғамдық кеңесінің ұсынымдары алынды. Сондай-ақ қалалық Тарифтер жөніндегі комиссиямен келісілді.
Көлік туралы заңға (19-бап) сәйкес әкімдік қаулысының осындай жобаларына қала Мәслихатынан келісім алу қажет.
Тарифті көтеру Алматы қаласын дамытудың 2025 жылға дейінгі бағдарламасының 3.3-тармағында және Көлік және коммуникация министрінің 2011 жылғы 13 қазандағы № 614 бұйрығымен бекітілген Жолаушылар мен багажды тұрақты маршруттар бойынша тасымалдау бойынша қызметтер көрсетуге арналған тарифтерді есептеу әдістемесінің 8-тармағында көзделген.
Жоғарыда айтылғандарды ескере отырып, Сізден қоғамдық көлікте жол жүру тарифін көтеруді қолдауыңызды және келісім беруіңізді сұраймын.
Баяндама аяқталды!
Назар қойып тыңдағандарыңызға рақмет!
Алматы қаласында халықтың әлеуметтік осал топтарының жекелеген санаттарына әлеуметтік көмек көрсету туралы баяндауға рұқсат етіңіздер.
Қала әкімінің тапсырмасына сәйкес «Тарифті инвестицияға айырбастау» бағдарламасы шеңберінде осы жылдың
1 шілдесінен бастап коммуналдық қызметтерге тарифтердің өсуіне байланысты «Халықтың әлеуметтік осал топтарының жекелеген санаттарына өтемақы төлеу түріндегі әлеуметтік көмек көрсету қағидалары» (бұдан әрі - ХӘОТ) әзірленді.
Қазіргі таңда Алматы қаласында халықтың әлеуметтік осал топтарының санаттарына жататын 315 430 азамат тұрады. Оның ішінде:
- Ұлы Отан соғысының ардагерлері – 54 адам (0,02%);
- басқа мемлекеттер аумағындағы ұрыс қимылдарының ардагерлері - 2 978 адам (0,94%);
- жеңілдіктер бойынша Ұлы Отан соғысының ардагерлеріне теңестірілген ардагерлер -1 538 адам (0,48%);
- бірінші және екінші топтағы мүгедектігі бар адамдар - 28 433 адам (8,9%);
- мүгедектігі бар баласы (балалары) бар немесе оларды тәрбиелеп отырған отбасылар - 8 591 адам (2,71%);
- «Алтын алқа», «Күміс алқа» алқаларымен марапатталған көп балалы аналарға, көп балалы отбасылар - 35 562 (11,2%);
- мемлекеттік немесе қоғамдық міндеттерді, әскери қызметті атқару кезінде, ғарыш кеңістігіне ұшуды дайындау немесе жүзеге асыру кезінде, адам өмірін құтқару кезінде, құқықтық тәртіпті қорғау кезінде қаза тапқан (қайтыс болған) адамдардың отбасылары - 534 адам (0,16%);
8) жасы бойынша зейнеткерлер - 237 740 адам (75,1%).
Тарифтердің өсуіне өтемақы ретінде әлеуметтік көмек ХӘОТ өтініші бойынша 2023 жылғы 1 шілдеден бастап 31 желтоқсан аралығында ай сайын 0,5 АЕК (1725 теңге) мөлшерінде төленетін болады.
Бұл мақсатқа 2023 жылдың соңына дейін 3 264 млн. теңге, ай сайын 544,1 млн.теңге қаражат қажет етіледі.
0,5 АЕК мөлшеріндегі өтемақы сумен жабдықтау, су бұру, газ, жылыту және т.б. сияқты қызметтердің 12 түрі бойынша тарифтердің көтерілу айырмашылығын жабатын болады.
Мысалы: келесідей пәтер аудандары үшін:
40 ш. м - тарифтердің 110% өсуі жабылады;
60 ш. м. - тарифтердің 90% - ы жабылады;
70 ш.м. – тарифтердің 80% - ы жабылады.
Осы Қағидалар биялғы жылдың соңына дейін қолданыста болады және одан әрі ұзарту Алматы қаласының 2024-2026 жылға арналған бюджетін әзірлеу кезінде қаралады.
Өтемақыға құжаттарды қабылдауды аудандық әкімдіктер мен Алматы қаласы Жұмыспен қамту және әлеуметтік бағдарламалар басқармасы арқылы жүргізіледі. Төлемдер екінші деңгейдегі банктер арқылы өтініш берушілердің шоттарына аудару арқылы жүзеге асырылатын болады.
Құрметті депутаттар!
Алматы қаласы үшін халықтың әлеуметтік осал топтарын қолдау басым міндет болып табылады, осыған байланысты Шешім жобасын қолдауды сұраймын.
Құрметті депутаттар!
Сіздерді Алматы қаласы мәслихатының кезектен тыс VII сессиясында қарсы алуға рұқсат етіңіздер. Бүгінгі отырыста Алматы қаласын одан әрі дамыту және қала тұрғындарының жағдайын жақсарту үшін маңызды 3 мәселе қаралады:
Бірінші. Бұл «Коммуналдық қызметтер тарифінің өсуіне байланысты халықтың әлеуметтік осал топтарының жекелеген санаттарына әлеуметтік көмек көрсету және өтемақы төлеу мөлшерін белгілеу қағидаларын» Сіздердің бекітулеріңіз.
Өздеріңіз білетіндей, Мемлекет басшысының тапсырмасы бойынша «Инвестиция орнына тариф» бағдарламасына көшу, | 2023 жылғы 1 шілдеден бастап Алматы қаласының тұтынушылары үшін жылумен жабдықтау қызметтеріне тарифтер 27,4% сумен жабдықтау және су бұру қызметтеріне 15% және электрмен жабдықтауға 13% көтерілді.
Алматыда әлеуметтік жағынан осал топтар санатына жататын 315 мың азамат тұрады.
Жоғарыда аталған топтарды қолдау мақсатында | біз тарифтердің өсуіне байланысты өтемақы төлеуді ұсынамыз.
Әлеуметтік көмек мөлшері 0,5 АЕК (1725 теңге) құрайды.
Жыл соңына дейін 3,3 млрд. теңге, | ай сайын 544 млн. теңге қажет болады.
Екінші мәселе – Алматы қаласының бюджетін екінші нақтылау.
Ағымдағы жылдың 7 айының қорытындысы бойынша қала 28% үлесімен еліміздің мемлекеттік бюджетінің донорларының бірі болып қала береді.
2023 жылы мемлекеттік бюджетке түсетін түсімдер көлемі шамамен 3 трлн. теңгені құрады, оның ішінде республикалық бюджетке 2,1 трлн. теңге немесе 72%.
Қаланың жергілікті бюджетіне түсетін түсімдер
129% асыра орындалды және 843 млрд. теңгені құрады.
Табыстың жоғары өсу қарқынының арқасында басым
іс-шаралар мен жаңа жобаларды қаржыландыру үшін қосымша бюджеттік мүмкіндіктер пайда болды.
Бюджеттік бағдарламалардың әкімшілері қосымша қажеттілікке жалпы сомасы 99,6 млрд. теңге, | 17,7 млрд. теңге алуға өтінімдер берді, оның ішінде мемлекеттік сатып алуды қоса алғанда үнемдеу 6,6 млрд. теңгені құрады.
Осылайша, бюджетті нақтылауға бөлінген жалпы сома 81,9 млрд. теңгені құрайды.
Үшінші маңызды және өзекті мәселе қоғамдық көлікте жаңа жол жүру тарифтерін келісу болып табылады.
Алматыда жолаушыларды тасымалдау тарифі 11 жыл бұрын бекітілген. Қолданыстағы тариф тасымалдаушылардың шығындарын өтемейді, өйткені жол жүрудің нақты құны бекітілгеннен 3 есе қымбат.
Осыған байланысты, әкімдік ай сайын субсидия түрінде тасымалдаушылардың шығыстарын жабады.
2020-2022 жылдар кезеңінде төленген субсидиялар сомасы
115,8 млрд. теңгені құрады. 2022 жылмен салыстырғанда ағымдағы жылы төленетін субсидиялар сомасы 2 есеге жуық өсті.
Жоғарыда көрсетілген фактілерге байланысты қолданыстағы тарифті ұлғайту және оны қолма - қол ақшасыз төлеу үшін - 80 теңгеден 100 теңгеге дейін, қолма-қол төлеу үшін - 150 теңгеден 200 теңгеге дейін белгілеу ұсынылады.
Құрметті депутаттар!
Жоғарыда аталған жобалар | Алматы тұрғындары мен жалпы қаланың дамуы үшін өте маңызды. Олар туралы толығырақ салалық басқармалардың басшылары баяндайды.
Назарларыңызға рақмет!
Қайырлы таң, құрметті Алатау ауданының тұрғындары!
Сіздерді кезекті кездесуімізде көргеніме қуаныштымын!
Бүгін мен сіздердің ауданда өмір сүру сапасын одан әрі жақсарту үшін ең проблемалық мәселелерді шешу жолдары туралы баяндаймын.
- Ауданды ойдағыдай дамытудың маңызды аспектілерінің бірі – халықты орталықтандырылған сумен және канализациямен қамтамасыз ету.
1.1. «Қарасу» және «Шаңырақ-1» шағын аудандарында жалпы ұзындығы 150 км (149,8) су құбыры және канализация желілерін салу жұмыстары жүргізілуде. «Қарасу» шағын ауданы бойынша жұмыстарды тамыз айының соңына дейін, ал «Шаңырақ-1» шағын ауданы бойынша осы жылдың қазан айына дейін аяқтауды жоспарлап отырмыз.
Анықтама үшін: Қарасу шағын ауданында 25 км. су құбыры (100%), 24 км. канализация желілері (95%) және 2 канализациялық-сорғы станциясы (0%) көзделген. Шаңырақ-1 шағын ауданында 45 км. су құбыры (95%), 55,8 км канализация желілері (90%) және 10 канализациялық-сорғы станциясы (95%) қарастырылған.
1.2. «Самғау» және «Өжет» шағын аудандарында канализация желілерін пайдалануға беру үшін
5 канализациялық-сорғы станциясы салынып жатыр. Жұмыстар осы жылдың қараша айында аяқталады.
Анықтама үшін: Өжет шағын ауданында 2 канализациялық-сорғы станциясы салынуда - аяқталуы осы жылдың қарашасы, сондай-ақ 1 канализациялық-сорғы станциясының жобасы әзірленді - 2023 жылдың IV-ші тоқсанының басы; Самғауда 3 канализациялық-сорғы станциясы қарастырылған, 1 канализациялық-сорғы станциясы салынып жатыр, мерзімі қазан, 2 канализациялық-сорғы станциясы бойынша заңсыз объектілерді бұзу қарастырылуда (1 канализациялық-сорғы станциясының орнында өндірістік ангардың заңсыз құрылысы бар,
2 канализациялық-сорғы станциясында халықтың әлеуметтік жағынан осал тобына жататын отбасы тұрады) - жұмыстардың аяқталуы осы жылдың қараша айы.
Бұған дейін мен сіздерге аудандық әкімдіктердің қызметтері кеңейгені туралы хабарлаған болатынмын. Биыл Алатау ауданының әкімдігі ұзындығы 295 км инженерлік желілерді төсеу жұмыстарын бастады:
1) «Алғабас» (су 19,9 км, канализация 27,2 км), «Шапағат» шағын аудандарында (су 13,4 км, канализация 31,9 км) ауыз су және канализация жүйелерін салу жұмыстары 2023 жылдың маусым айында басталып,
2024 жылдың қазан айында аяқталатын болады. Ал «Болашақ» шағын ауданында (су 2,07 км, канализация 2,03 км) осы жылдың қазан айында абоненттер сумен қамту және канализация жүйелерімен қамтамасыз етілетін болады.
2) «Саялы» шағын ауданының канализация жүйелерін төсеуді (канализация 1,4 км) осы жылдың қараша айына дейін аяқтау жоспарланған. «Теректі» (су 33 км, канализация 33 км), «Рахат-Мәдениет» (су 69,9 км, канализация 61,8 км) шағын аудандарында сумен қамту және канализация желілерін салу 2023 жылдың тамызында басталып, 2024 жылдың соңына дейін аяқталады.
3) Соңғы 7 жылдың ішінде «14-ші аумақ» шағын ауданындағы аяқталмаған инженерлік желілердің мәселесі өзекті мәселелердің бірі болды.
Алматы қаласы прокуратурасының ұсынуы негізінде мен төтенше жағдайлар желісі бойынша құрылыс жұмыстарын аяқтау туралы шешім қабылдадым. Ол үшін бюджеттен 2,7 млрд. теңге бөлінді. Маусым айынан бастап 14 көше бойынша инженерлік желілерді төсеу жұмыстары жүргізілуде, оның ішінде желілердің құрылысы аяқталып қойған 3 көшеде (Сусанин, Душанбинская, Нарвская) жаңа жолдар салынуда.
Қалған 11 көше бойынша желілерді салу жұмыстарының аяқталуына қарай жол төсемі толық қалпына келтірілетін болады. Барлық жұмыстарды биыл қазан айының соңына дейін аяқтау жоспарланған.
Анықтама үшін: 11 көше – Ачинская, Сахалинская, Метростроевская, Беломорская, Красильская, Петровская, Өскемен, Памирская, Соқпақбаев, Сакко және Ванцетти, Фадеев.
4) Бұдан басқа, «Алғабас», «Теректі» және «Көк-Қайнар» шағын аудандарында электр қуатының жиі сөну мәселесін шешу үшін 31 трансформаторлық подстанция орнатып, 81,3 км иесіз электр желілерін реконструкциялау жұмыстары жалғасуда. Аяқталуы - биылғы жылдың желтоқсан айы. Жоспарланған
2424 тіректің 1700-і орнатылды (1300 тірек Алғабас шағын ауданында, 60 тірек Көк-Қайнар шағын ауданында, 100 тірек Теректі шағын ауданында). Жабдықтар сатып алынды, кабель желілерін төсеу бойынша дайындық жұмыстары жүріп жатыр.
- Ауданның жол инфрақұрылымын дамыту бойынша белсенді жұмыс жалғасуда. Алатау ауданының шағын аудандарындағы көшелер ағымдағы жөндеуден өтеді, аудан әкімдігіне 500 млн. теңге бөлінді.
Қалалық мобилділік басқармасы биылғы шілде айында ұзындығы 60 км болатын
63 көшені қамти отырып, 12 шағын ауданда орташа жөндеу жұмыстарын бастады. Жұмыстарды осы жылдың қараша айында аяқтау жоспарланған. Бүгінгі күні «Алғабас», «Қарасу» шағын аудандары және Саин көшесі бойынша (Мөңке би көшесі мен Үлкен Алматы каналы бойының арасында) жұмыстар жүргізілуде.
Саин көшесін ұзарту үшін көлік қозғалысын осы жылдың соңына дейін ашу жоспарлануда. Сондай-ақ, Мөңке би мен Ақын-Сара көшелерінің қиылысындағы көлік жолайрығында барлық бағыттар бойынша қозғалысты 2023 жылдың соңына дейін ашу жоспарлануда.
Ауданда бейнемониторинг жүйелерінің желісін кеңейту жобасы аясында биылғы жылдың соңына дейін 904 жаңа бейнекамера орнату жоспарлануда.
Жарығы жоқ 378 көше бойынша жобалау-сметалық құжаттама әзірленуде. Жұмысты аяқтау мерзімі – қыркүйек айының соңына дейін. Жұмыстарды бастау
2024 жылдың наурызына жоспарланған.
Ауданда 18 жер үсті жаяу жүргіншілер өткелін күрделі жөндеу жұмыстары басталды. Жұмыс барысында электр жетегі бар көтергіш механизмдер мен лифтілерді күрделі жөндеу, бейнебақылау орнату, арбамен және велосипедпен түсу қондырғысы көзделген. Сондай-ақ, 5 жерасты жаяу жүргіншілер өткелі жөнделуде. Барлық жұмыстар қыркүйек айының соңына дейін аяқталады.
- Қала әкімдігі қоғамдық көлік жұмысының сапасын жақсартуға үнемі көңіл бөледі.
4 маршруттың құрамы толық жаңартылды (№46, 69, 109, 122, барлығы 65 автобус).
IV-ші тоқсанға дейін тағы 4 маршруттың (№24, 125, 19, 88) жылжымалы құрамын 52 бірлікке жаңарту жоспарлануда.
Анықтама үшін: осы жылдың сәуір айының басында 7 маршрутта жылжымалы құрамды жаңарту көзделген болатын. Оның ішінде 3 маршрутта жылжымалы құрам жаңартылды және қосымша көптеген шағымдарға байланысты №69 маршрут жаңартылып, күшейтілді.
Биыл қараша айының соңына дейін Алатау ауданы бойынша тағы 20 остановка кешенін салу жоспарлануда.
Анықтама үшін: жыл соңына дейін қала бойынша 50 остановка салу жоспарлануда.
- Халықты әлеуметтік инфрақұрылыммен қамтамасыз ету мәселесі ерекше назарымызда.
Алатау ауданында 2 мемлекеттік колледж салу жоспарлануда. Атап айтқанда:
1) «Зерделі» шағын ауданында 380 орындық жатақханасы бар 720 орындық кәсіптік-техникалық колледж (мердігер «Sp Neft» ЖШС);
2) Индустриялық аймақ аумағында 380 орындық жатақханасы бар 720 орындық инновациялық технологиялар колледжін салатын мердігер ұйым (мердігер «Өмірзақ» ЖШС) анықталды. Екі колледж бойынша құрылыс тамыз айында басталады.
«Саялы-2», «Зерделі» шағын аудандарында
550 орындық жаңа 2 мектеп салынуда. «Саялы-2» мектебін келесі жылдың II-ші тоқсанында, «Зерделі» шағын ауданындағы мектепті 2024 жылдың соңында аяқтау жоспарланған.
«Жайлы мектеп» ұлттық жобасы аясында «Самғау», «Алғабас», «Қарасу», «Теректі», «Әйгерім» және «Ақбұлақ» шағын аудандарында
11 500 орындық тағы 6 мектеп салу үшін дайындық жұмыстары басталды.
«Мектеп автобусы» жобасы бойынша Алатау ауданына бұған дейін 16 автобус бөлінген болатын. Тамыз айында 5 мектепке (№204 орта мектеп – 5, № 210 мектеп-лицей – 3, № 179 орта мектеп – 2, № 196 орта мектеп – 1 автобус) қосымша тағы 25 автобус жіберіледі. Сонымен бірге №154 мектептің бұзылғанын ескере отырып, 1 700 оқушыны тасымалдау үшін 14 автобус қарастырылған. Бұл оқушылар 3 мектепке (№82, 91, 196) бөлінеді.
«Саялы-2» шағын ауданында 160 орындық мемлекеттік балабақшаның құрылысы аяқталды. Ол жаңа оқу жылының басында ашылады.
Балаларды қосымша оқытумен қамтуды одан әрі арттыру үшін Мемлекет басшысының тапсырмасы бойынша Инновациялық шығармашылық орталығының (Оқушылар сарайы) құрылысы аяқталды. Оған аптасына 5 мыңнан астам бала қатыса алады (Білім басқармасының балансына 2023 жылдың 15 тамызына дейін беріледі). Алатау ауданында осындай деңгейдегі шығармашылық орталық алғаш рет ашылуда. Шығармашылық орталықтың ашылуы 21 тамызға жоспарланған.
Сондай-ақ, «Зерделі» шағын ауданында дене шынықтыру-сауықтыру кешенінің құрылысы жүргізілуде. Оны осы жылдың қыркүйек айының соңына дейін аяқтау жоспарлануда.
Бұрын айтқанымдай, «Саялы» және «Қарасу» шағын аудандарында жоспарлы қуаты бір ауысымда 200 адам қабылдайтын 2 дәрігерлік амбулатория салынуда. «Қарасу» шағын ауданындағы дәрігерлік амбулаторияны аяқтау мерзімі қазан айына және «Саялы» шағын ауданындағы дәрігерлік амбулатория осы жылдың соңына қарай жоспарланған.
- Жайлы қалалық ортаны құру жұмыстары аясында сәуір айының басынан бастап «Халық қатысатын бюджет» бағдарламасының бірінші кезеңінде 1,8 млрд. теңге сомасына 35 жоба толығымен аяқталды. Жобаларда футбол, баскетбол, волейбол алаңдары, жаяу жүргіншілер және жасыл аймақтар қарастырылған.
Қосымша бөлінген 875 млн. теңгені ескере отырып, Алатау ауданында тағы 19 жаңа жоба іске асырылатын болады. Олар осы жылдың қараша айына дейін аяқталады (бүгінгі күні конкурстық рәсімдер жүргізілуде, жұмыстар биылғы жылдың тамыз айының соңында басталады.).
«Зерделі» шағын ауданын дамытуға ерекше көңіл бөлінуде. Қисайып кеткен 30 үйді түзету және нығайту жұмыстары толық орындалды. Сондай-ақ, бүгінгі таңда аула учаскелерін абаттандыру және асфальттау жұмыстары аяқталды.
Қазақ құрылыс және сәулет ғылыми-зерттеу және жобалау институтының қорытындысына сәйкес нығайтылған және түзетілген үйлер одан әрі пайдалануға жарамды. «Отбасы банк» акционерлік қоғамының пәтерлерді кепілге алу мәселесі биылғы жылдың қыркүйек айында реттелетін болады.
Осы шағын ауданда жасыл аймақтарды, 2 балалар алаңын, қарттарға арналған демалыс аймағын, шағын сәулет формаларын, атриум-аймақтарды орналастыра отырып, сквердің жобалау-сметалық құжаттамасы әзірленуде. Сонымен бірге мұнда әртүрлі ағаштардың 200-ден астам түрі отырғызылатын болады (жұмыстың басталуы 2024 жылдың II-ші тоқсанында, аяқталуы 2024 жылдың соңына дейін). Бұл сквер бұзылған 2 аяқталмаған үйдің орнына салынады (Зерделі,1/146 и Зерделі, 1/147).
Сондай-ақ, «Зерделі» шағын ауданында дене шынықтыру-сауықтыру кешенінің құрылысы жүргізілуде. Оны осы жылдың қыркүйек айының соңына дейін аяқтау жоспарлануда.
Алатау ауданында қатты жауын-шашын кезінде су басатын 18 учаске анықталды. Бүгінгі таңда төтенше жағдай желісі бойынша оның 10-ы жойылды.
Анықтама үшін: арық желілерін салу және реконструкциялау – 1,2 км, коллекторды тазарту – 8,4 км және каналдарды тазарту – 3,9 км, су бұру арналарын салу – 6,5 км, Боралдай өзенінің жағалауын нығайту – 671 м.
Қаланың батыс бөлігінде жалпы ұзындығы 49 км болатын 59 көше бойынша арық желісі мен нөсер канализациясын салу және реконструкциялау жобасын іске асыру шеңберінде қалған 8 су басу учаскесі жыл соңына дейін жойылады (осы жылдың маусым айының соңында мердігер ұйымдар анықталды, шілде айында жұмыс басталды).
«Қарасу» көлін механикалық тазарту жұмыстары жүргізілуде. Су ағызу құрылыстарын салу және ұзындығы 40 м (диаметрі 280 мм) жол астынан тесу жүзеге асырылуда. Бүгінгі күні 5 мың м3 тұнба шөгінділері шығарылды. Жұмыстарды осы жылдың қыркүйек айының соңында аяқтаймыз.
«Өжет» шағын ауданындағы тоған бойындағы жасыл аймақ (16 га) және Боралдай өзенінің жағалауындағы жаяу жүргіншілер серуендеу аймағының (24 га) құрылысы басталды. Екі жобаны 2024 жылдың II-ші тоқсанында пайдалануға беру жоспарлануда.
«Қарасу» шағын ауданы тұрғындарының көптеген өтініштері бойынша аудан әкімдігі Бағаналы Орда көшесінде жаяу жүргіншілер аймағын салу жоспарлануда. Жоба мердігер ұйымды айқындау сатысында. Жобаны іске асыру тамыз айының соңына дейін басталады, биылғы жылдың қараша айында аяқталады.
Құрметті Алатау ауданының тұрғындары!
Назарларыңызға рақмет. Енді Сіздердің сұрақтарыңызға көшейік.
«Алматы қаласының 2025 жылға дейінгі даму бағдарламасына» сәйкес 2024 жылдың аяғына дейін 30 жаңа қаламаңы маршрутын ұйымдастыру жоспарланған. 2023 жылғы жоспарға сәйкес 10 жаңа маршрут ашылады деп күтілуде. Олар Талғар, Іле, Қарасай және Жамбыл аудандарына қатынайды.
Сондай-ақ Алматы қалалық мобилділік басқармасы әлейметтік маңызы бар маршруттардың тізімін бекіту турлы қаулы жобасын әзірленді. Құжаттар www.legalacts.egov.kz нормативті құқықтық актілер порталында 18 шілде мен 1 тамыз аралығында жарияланады.
Жобалар Қазақстан Республикасының қолданыстағы заңнамасына қайшы келмейді және нормативті құқықтық актілердің барлық талаптарына сай келеді.
Қызығушылық танытқан азаматтар келесі сілтемелер бойынша өтіп, талқылауға қатыса алады:
https://legalacts.egov.kz/arm/admin/viewcard?id=14635226
https://legalacts.egov.kz/arm/admin/viewcard?id=14635192
https://legalacts.egov.kz/arm/admin/viewcard?id=14635259
Қайырлы таң, құрметті Бостандық ауданының тұрғындары!
Сіздерді кезекті кездесуімізде көргеніме қуаныштымын!
Бүгін мен сіздердің аудандарыңыздың ең өзекті мәселелерін шешу бойынша әкімдіктің жұмысы туралы баяндаймын.
- Инженерлік желілер
Құрылыстың жаңа қарқынмен өсуі ауданның инженерлік желілеріне едәуір ауыртпалық түсіріп отыр. Желілердің тозу деңгейі орта есеппен 60% құрайды.
Бұл проблемаларды шешу үшін 1,6 км магистральдық жылу желілерін реконструкциялау жүріп жатыр. Жұмыстар осы жылдың 1 қыркүйегіне дейін аяқталады.
Биыл «Орбита» және «Южная» қазандықтарын қосатын ұзындығы 900 метрден асатын магистральды жылу трассасының құрылысы басталды. Бұл учаске 2023 жылдың қыркүйек айында пайдалануға беріледі.
Сондай-ақ 2023 жылдың қыркүйегінде «Южная» қазандығының қуатын сағатына 190 гкал дейін ұлғайта отырып, реконструкциялау жұмыстары аяқталады.
«Алмагүл» жаңа подстанциясына 4,8 км электрмен жабдықтау кабель желілері тартылды. Подстанцияны биыл шілде айының соңында іске қосу жоспарланып отыр. Бұл 200 мыңға жуық тұтынушыны электр энергиясымен үздіксіз қамтамасыз етуге мүмкіндік береді.
«Алатау Жарық Компаниясы» АҚ желісі бойынша осы жылдың шілде айында 77,5 км жоғары вольтты электр желілерін, 98 дана трансформаторлық станциялар мен тарату пункттерін ағымдағы және күрделі жөндеу, сондай-ақ 1,5 км кабель желілерін ауыстыру жұмыстары басталды. Аяқталу мерзімі осы жылдың соңы.
Бұдан бөлек, әкімдік биылғы маусым айында ауданның қосылған аумақтарында 47,2 км электр желілерін реконструкциялау жұмыстарын бастады. Аяқталуы – 2024 жылдың сәуірі.
Сумен қамту қызметтерін жеткізу сапасын жақсарту үшін 6,1 км су құбыры желілерін реконструкциялау жүргізілуде. Жұмыстар биыл қазан айында аяқталады.
Тамыз айында Бұқар Жырау көшесінің Т. Жароков көшесінен Есентай өзеніне дейінгі бөлігіндегі 1,5 км орташа қысымдағы жерасты газ құбырын реконструкциялау басталады. Бүгінгі таңда жобалау-сметалық құжаттама әзірленіп жатыр. Жұмыстар 2023 жылдың қазан айында аяқталады. Бұл 16 мың тұтынушыны үздіксіз газбен қамтамасыз етеді.
Аудандағы өзекті проблемалардың бірі «Городское предприятие водоснабжения Водснаб» жауапкершілігі шектеулі серктестігінің «Ерменсай» шағын ауданына электрмен және сумен қамтамасыз ету қызметтерін сапасыз көрсетуі болып табылады. Табиғи монополияларды реттеу департаменті жүргізген тексерулердің нәтижесінде осы кәсіпорынның қызметінде бұзушылықтарды анықтады. Сонымен қоса ауданның полиция басқармасы осы жылдың 20 маусымында кәсіпорын тарапынан заңсыз әрекеттер жасау фактісі бойынша қылмыстық істі тіркеді.
Әкімдік жүргізген келіссөздерден кейін биылғы 26 маусымнан бастап 4,4 км электрмен жабдықтау әуе желілерін қаланың балансына беру жұмыстары жүріп жатыр. Оны 2023 жылдың тамызында аяқтау жоспарланған.
- Сапалы әлеуметтік инфрақұрылыммен қамтамасыз ету
Оқушы орындарының тапшылығын азайту үшін «Базис» жауапкершілігі шектеулі серіктестігі Сәтбаев көшесі, 101 мекенжайында 300 орындық № 65 мектепке қосымша құрылыс салып жатыр, жұмыстар осы тамыз айында аяқталады.
Осы жылдың қыркүйегінен бастап сөйлеу қабілеті бұзылған балаларға арналған №9 мектеп-интернат ашылады, онда 120 орындық қосымша құрылыс аяқталады.
Жыл басынан бері ауданда 6 жеке меншік және 1 мемлекеттік балабақша ашылды
Бизнестің әлеуметтік жауапкершілігі шеңберінде «РАМС Қазақстан» құрылыс компаниясы «РАМС Сити» көппәтерлі тұрғын үй кешенінің аумағында 1 100 орындық мектептің құрылысын жүргізуде. Аяқталуы – 2024 жылдың тамыз айы, сондай-ақ 240 орындық 2 балабақшаның құрылысын бастап, 2024 жылдың тамыз айында аяқтау жоспарланған.
Бұдан басқа, Қ. Сәтбаев көшесі, 90 мекенжайында «Конкрит продактс» жауапкершілігі шектеулі серіктестігінің зауыты көшкеннен кейін қазан айында «Hit Building» жауапкершілігі шектеулі серіктестігі 900 орындық мектептің құрылысын бастауды жоспарлап отыр.
«Жайлы мектеп» ұлттық жобасы аясында 3 мектеп салу жоспарлануда: Егізбаев көшесі, 9 мекенжайында, Розыбакиев – Левитан көшелерінің қиылысында және Розыбакиев – Қожабеков қиылысында мектеп. Жұмыстар келесі жылдың соңына дейін аяқталады.
Медициналық қызметтердің сапасын жақсарту үшін биыл маусым айында «Керуен Medicus» медициналық орталығында 40 орындық жаңа перзентхана корпусы және ауысымына 300 келушіге арналған емхана ашылды.
Қазан айында 300 орындық «Балалар жедел жәрдем орталығының» операциялық блогымен бірге қабылдау бөлімшесінің жаңа корпусын ашу жоспарланған.
Медициналық мекемелердің жүктемесін азайту мақсатында әкімдік 6 денсаулық сақтау объектісін салу және реконструкциялауды жоспарлап отыр.
Әрқайсысы 500 орындық 2 жаңа емхананың және Орталық қалалық клиникалық аурухананың 500 орындық жаңа корпусы жобалануда. Бұл объектілердің құрылысы 2024 жылы басталады.
Перинатология және балалар кардиохирургиясы орталығының ғимаратын, сондай-ақ №4 және №12 емханаларды күрделі жөндеу жұмыстары жобалануда. №4 және №12 емханаларды жөндеу жұмыстары қараша айында, ал Перинатология және балалар кардиохирургиясы орталығы келесі жылдың наурыз айында басталады.
- Жол инфрақұрылымы
6 маусымнан бастап Әл-Фараби даңғылындағы «Есентай» өзені арқылы өтетін көпірді кеңейту жұмыстары басталды. Осы жоба аясында жолдың екі жағынан ерекше қажеттіліктері бар адамдарға арналған пандустармен жабдықталған екі вело-жаяу жүргіншілер көпірі салынып жатыр. Көпірді кеңейту –
2023 жылдың 1 қыркүйегіне дейін; вело-жаяу жүргіншілер көпірлерінің құрылысы - 2023 жылдың 15 қазанына дейін аяқталады.
Ауданның жол инфрақұрылымын жақсарту үшін 23 көшеге, оның ішінде ұзындығы 27,5 км 2 магистральды көшеге орташа жөндеу жүргізу көзделген.
Биыл маусым айынан бастап 2 магистральды көшеде орташа жөндеу жұмыстары жүргізілуде, аяқталуы – 1 қыркүйекке дейін. Бұған дейін жөндеу жұмыстары Әл-Фараби даңғылында 2010 жылы, Абай даңғылында 2012 жылы жүргізілген.
Сондай-ақ маусым айынан бастап 3 көшені орташа жөндеу жұмыстары басталды. Қалған 18 көшеде жұмыстар 15 шілдеден басталады. Барлық жұмыстар биыл қазан айына дейін аяқталады.
Децентрализация аясында аудан әкімдігі маусым айынан бастап аудан көшелері мен жол өткелдеріндегі шұңқырларды жөндеу жұмыстарын жүргізуде. Барлығы 500 млн теңгеге жалпы ауданы 60 мың шаршы метрді жөндеу жоспарланған. Қазіргі уақытта 4,0 мың шаршы метр асфальт төселді.
Жол қауіпсіздігін қамтамасыз ету мақсатында биылғы 30 қарашаға дейін 8 светофор объектісін орнату жоспарлануда.
Халыққа көлік қызметін көрсету сапасын жақсарту үшін 21 маршрутта 288 автобус жаңартылды
Бұдан басқа, осы жылдың соңына дейін жеке тасымалдаушылар маршруттарындағы 44 автобусты және «Алматыэлектротранс» ЖШС маршруттарындағы 193 автобусты жаңарту жоспарлануда
- Абаттандыру және көгалдандыру
Жасыл қорды сақтау үшін ауданда көлемі 163,4 га болатын 27 учаскеде суару құбыры орнатылды. Барлық учаскелерді автоматтандырылған суару жүйесіне көшіру мәселесі қарастырылуда.
55,2 км арық желісін салу және реконструкциялау жұмыстары жүргізілуде.
Маусым айында апаттық жағдайдағы ағаштарды санитарлық кесу және құлату жұмыстары басталды. Бүгінгі күні жоспарланған 4 500 ағаштың 2 600-ін санитарлық кесу, жоспарланған 2 500-ден апатты жағдайдағы 600 ағашты құлату жұмыстары жүргізілді.
Сондай-ақ 435 мың ағашты 4 еселі биологиялық өңдеу жүргізілуде.
Аула ішіндегі аумақтарда ағаштарды санитарлық кесу жұмыстары қайта басталды. Бұған дейін бұл мәселемен тұрғын үйлерді басқару органдары айналысқан болатын
Тұрғындардың тұруына қолайлы жағдай жасау үшін 80 аула аумағына күрделі жөндеу жұмыстары жүргізілуде. Сондай-ақ биыл 90 ауланы ағымдағы жөндеу жоспарланған.
«Халық қатысатын бюджет» жобасы аясында тұрғындардың өтінімдері бойынша 1-ші кезеңде 800 млн теңге сомасына 17 жоба іріктелді. Конкурстық рәсімдер өткізілді, 15 жоба бойынша құрылыс-монтаждау жұмыстары жүргізілуде. Жұмыстарды осы жылдың қыркүйегінде аяқтауды жоспарлап отырмыз. 2 жоба бойынша конкурстық рәсімдер жүріп жатыр.
Осы бағдарлама бойынша биыл 2-ші кезеңге 875 млн. теңге бөлінді. Аудан тұрғындары 100 өтінім берді, оның ішінде 2-14 мамыр аралығында тұрғындардан ең көп дауыс жинаған 23 жоба таңдалды. Жобаларды іске асыру осы жылдың тамыз айында басталады.
- Жарықтандыру
Аудан көшелерін жарықтандыруға ерекше көңіл бөлінуде. Осы жылдың наурыз айында жарық жоқ 61 көше мен өткелдерде сыртқы жарықтандыру құрылысы аяқталды,
Маусым айының басынан 15 шілдеге дейін аудан тұрғындарынан сыртқы жарықтандыру желілерін салуға өтінімдер қабылдануда. Қорытындысы бойынша жобалау-сметалық құжаттамасы әзірленетін учаскелердің тізбесі жасалатын болады. Осы жұмыстың нәтижесінде 2025 жылға қарай Бостандық ауданын көше жарығымен 100% қамту жоспарланған.
Құрметті Бостандық ауданының тұрғындары!
Назар қойып тыңдағандарыңызға рақмет. Енді сіздердің сұрақтарыңызға көшейік.
Қазіргі кезде Алматы қаласында қоғамдық көлікте жүру құны 80 теңгені құрайды. Бұл тариф 2012 жылы бекітіліп, содан бері өзгертілген жоқ. 2015 жылы қолма-қол төлем үшін 150 теңгелік тариф бекітілді. Соңғы 10 жыл ішінде жолаушылар ағымы шамамен екі есеге өскенін ескерген жөн (2012 жылы 203,3 млн, ал 2022 жылы 375,5 млн жолаушы тасымалданған)
Алматы қалалық мобилділік басқармасы қоғамдық көліктегі жол ақысын көтеру туралы қаулы жобасы әзірленді. Құжат www.legalacts.egov.kz нормативті құқықтық актілер порталында 5-21 шілде аралығында жарияланады.
Жоба Қазақстан Республикасының қолданыстағы заңнамасына қайшы келмейді және нормативті құқықтық актілердің барлық талаптарына сай келеді.
Қызығушылық танытқан азаматтар келесі сәлтемелер бойынша өтіп, талқылауға қатыса алады:
https://legalacts.egov.kz/arm/admin/viewcard?id=14626464
«Халық күніне құлақ асатын мемлекет» тұжырымдамасын іске асыру аясында 2023 жылдың 30 маусым күні сағат 15.00-де азаматтарды қабылдаудың Бірыңғай күнін Алматы қаласы әкімінің орынбасары Қырықбаев Арман Оразбайұлы жүргізеді.
Қабылдауға жазылу 8 (727) 338-44-94 нөмірі бойынша жүргізіледі.