Жетісу ауданында «Таза Қазақстан» акциясы аясында сенбілік өтті

Жетісу ауданында «Таза Қазақстан» экологиялық акциясы аясында сенбілік ұйымдастырылды. Тазалық жұмыстары Көкжиек шағынауданында жүргізіліп, оған аудан әкімдігінің қызметкерлері, коммуналдық қызмет мамандары және ауданның белсенді жастары қатысты.

Сенбілікке 350-ден астам адам қатысып, 26 арнайы техника жұмылдырылды. Нәтижесінде аумақтан 112 текше метр қоқыс шығарылды.

Іс-шараның негізгі мақсаты – қоршаған ортаның тазалығын сақтау, қоғамдық орындарды абаттандыру және тұрғындар арасында экологиялық мәдениетті қалыптастыру.

«Таза Қазақстан» акциясы аясындағы мұндай шаралар аудан аумағын көркейтіп, тұрғындарға қолайлы әрі таза орта қалыптастыруға бағытталған.