«Алматы Жастары» қалалық жеңілдетілген несие беру бағдарламасына қатысты хабарландыру

«Алматы Жастары» қалалық жеңілдетілген несие беру

бағдарламасына қатысты хабарландыру

 

Алматы қаласының әкімдігі тұрғын үй сатып алу үшін жеңілдетілген тұрғын үй займдарын алуға Алматы қаласының 35 жасқа дейінгі (қоса алғанда) жастарынан 2023 жылдың 15 мен 31 мамыры аралығында «Алматы Жастары» жеңілдікпен несиелендіру бағдарламасы шеңберінде өтініштер мен құжаттарды қабылдау басталатынын хабарлайды.

Бағдарламаға қатысу үшін өтінішті www.almaty-zhastary.kz сайты арқылы тапсыруға болады. Сайтта авторизациялау электрондық цифрлік қолтаңба (ЭЦҚ) арқылы жүргізіледі.

Алматы қаласының әкімі Е.А. Досаевтың тапсырмасы бойынша Бағдарлама шеңберінде қосымша қаражат бөлініп, жас мұғалімдер мен дәрігерлер үшін тағы 100 қарызға лимит ұлғайтылды, мұғалімдер үшін 50 және дәрігерлер үшін 50.

 

Бағдарлама аясында несие берудің шарттары:

 

• Қарыздың ең жоғары сомасы– 18 млн теңгеге дейін;
• Пайыздық мөлшерлеме – 5%;
• Бастапқы жарна - 10%;
• Бастапқы және қайталама тұрғын үй алу мүмкіндігі;
• Қамту- 1100 адамнан кем емес.

 

Қатысу үшін негізгі талаптар:

 

1. Қатысушының жасы 35 жасқа дейін (қоса алғанда),өтініш беру кезінде, жұбайының (зайыбының) жасына қарамастан (бар болса). Бағдарламаға негізгі қатысушы ретінде ерлі-зайыптылардың біреуі ғана қатыса алады;
2. Үміткерде және оның отбасы мүшелерінде меншік құқығында тұрғын үйдің, сондай-ақ Қазақстан Республикасының аумағында соңғы 5 жыл ішінде тұрғын үй жағдайының әдейі нашарлауы фактілерінің болмауы.
3. Қатысушының Алматы қаласында келесі санаттар бойынша міндетті зейнетақы аударымдарымен кем дегенде соңғы 6 ай ішінде ресми жұмыс өтілінің болуы: денсаулық сақтау, білім беру, мәдениет, спорт, ЖОО-лар және ҒЗИ, журналистер, әлеуметтік сала, құқық қорғау органдары және қалалық коммуналдық қызметтері.

 

Толығырақ ақпарат www.almaty-zhastary.kz сайтында орналастырылған.

Анықтама телефоны: +7 (727) 225 14 57 (Алматы қаласы коммуналдық инфрақұрылымды дамыту басқармасы).