Ыстамбұл қаласына жұмыс сапар аясында басқарма өкілдері Қалдықтарды кәдеге жаратудың озық технологияларымен танысты

Өткен аптада ҚР Экология, геология және табиғи ресурстар вице-министрі Ахметжан Пірімқұлов бастаған қазақстандық делегация құрамы үш күндік сапармен Ыстанбұл қаласына келді.
Экологиялық сарапшылар, жергілікті атқарушы органдар мен БАҚ өкілдері Түркияда енгізіліп жатқан қалдықтарды басқару жүйесімен таныстырды.
Делегация Ыстанбұл қаласының маңында орналасқан қатты тұрмыстық қалдықтарды сұрыптау және өңдеу бойынша ең ірі кешенге барды. Жылына 350 мың тоннадан астам қатты тұрмыстық қалдық кәсіпорынға сұрыптауға жіберіледі, одан кейін қайталама шикізат қайта өңделеді, 20 000 тоннаға жуық тамақ қалдықтары компостерленеді, қайта өңдеуге келмейтін қалдықтарды компания энергия қалдықтарын кәдеге жарату үшін соңғы буынның Istanbul Büyükşehir Belediyeleri жаңа зауытына тасымалдайды.
Зауыт Ыстанбұл муниципалитетінің тапсырысы бойынша түріктің Makyol және жапондық Hitachi компаниялары тарапынан салынды. Зауытта бес сатылы түтін газдарын тазарту жүйесін қарастыратын Еуропалық Парламент пен ЕО Кеңесінің «Өнеркәсіптік шығарындылар туралы» 2010/75/EC Еуропалық директивасының нормаларына сәйкес келетін қалдықтарды жағудың заманауи технологиясы енгізілді. Hitachi Zosen Inova компаниясының энергияны қалпына келтіру торы Еуропа, АҚШ және Ұлыбританиядағы 30-дан астам энергияны қалпына келтіру қондырғыларында қолданылады.
Мемлекет басшысы Қасым-Жомарт Тоқаевтың тапсырмасы бойынша Қазақстанда Waste to Energy технологиясын енгізу үшін заңнамалық база дайындалып, инвесторларды тарту шаралары әзірленді.
Қазіргі уақытта энергия қалдықтарын кәдеге жарату бойынша әлемнің жетекші елдерінің тәжірибесі зерттелуде.