Басқармада сыбайлас жемқорлықтың алдын алу және Әдеп кодексінің нормаларын түсіндіру мәселелері бойынша мемлекеттік қызметшілердің қатысуымен ақпараттық-түсіндіру сипатындағы кеңес өткізілді.

Кеңес барысында Алматы қаласы әкімдігі аппаратының Әдеп жөніндегі уәкілі М.К. Ахетов мемлекеттік қызметшілердің қоғамдағы рөлін арттыру, Әдеп кодексі талаптарын сақтау, мемлекеттік қызмет саласындағы заңнама нормаларын орындау, сондай-ақ функционалдық міндеттерді жүзеге асыру кезінде лауазымдық нұсқаулықтарды қатаң сақтау мәселелерін жан-жақты түсіндірді.

Қызметтік тәртіпті нығайтуға, мемлекеттік қызметшілердің жауапкершілігін арттыруға және жұмыс орнында да, одан тыс уақытта да жоғары мінез-құлық мәдениетін қалыптастыруға ерекше назар аударылды.

Кеңес қорытындысы бойынша мемлекеттік қызмет саласындағы Қазақстан Республикасы заңнамасының талаптары мен Әдеп кодексі нормаларының сақталуын бақылауды күшейту жөнінде нақты тапсырмалар берілді.