Жылу беру маусымына дайындық мәселелері бойынша жұмыс сапарлары

Бұған дейін тұрғындардың өтініші бойынша «Алтын Сити» және «Тамарикс» тұрғын үй кешендеріне жылу жүйесіне қатысты мәселелерді қарау мақсатында жұмыс сапары ұйымдастырылды. Қала әкімі Дархан Сатыбалдының тапсырмасы бойынша сапар нәтижесінде ағымдағы мәселелерді шешу үшін кешенді шаралар қабылданды.

Тұрғындар жылу беру маусымында жүйелердің тоқтаусыз жұмыс істеуі мен сапасына шағымданған болатын. Оқиға орнында құрылыс компанияларымен бірге бірқатар практикалық шешімдер бойынша келісімге келінді.

Тұрғын үй кешендері автономды қазандықтармен жабдықталған, жылыту маусымы басталар алдында жабдықтарға бақылау тексерісі жүргізілді.

«Тамарикс» тұрғын үй кешенін жылумен қамтамасыз ететін қазандық апатты жағдай туындаған жағдайда резервтік ретінде белгіленді, себебі бұл учаскеде екі қосымша қазаны бар жаңа қазандық салынды.

«Алтын Сити» тұрғын үй кешеніндегі қазандықта қазан мен сорғылар ауыстырылды. Сонымен қатар осы аумақтың болашақ даму әлеуетін ескере отырып, абоненттер санының өсуіне сай бүкіл аумақты жылумен қамтамасыз ете алатын ірі қазандықтың құрылысы жүріп жатыр.

Жалпы, жылыту маусымы басталар алдында қазандықтар іске қосуға толық дайын болмақ.