Алматы телекоммуникация және машина жасау колледжінің құрылыс барысымен таныстық

Өткен жылдың соңында Заветная көшесі, 41 мекенжайында оқу кешенінің құрылысы басталды.

Оқу орнының ғимараты 1970 жылдан бері жұмыс істеп келеді, және осы уақыт аралығында мұнда күрделі жөндеу жүргізілмеген.

Жоба аясында 2 оқу корпусы, студенттерге арналған жатақхана, 7 оқу-өндірістік шеберхана салынып жатыр. Оқу орнының жобалық қуаты – 1050 оқу орны.

Жаңа ғимараттарда 28 заманауи оқу кабинеті, спорт залы, кітапхана, 150 орындық асхана және конференц-зал орналасады.

Қазіргі уақытта қасбеттік жұмыстар, шатыр жабу және ішкі әрлеу жұмыстары жүргізілуде. Құрылысты аяқтау 2026 жылғы қаңтар айына жоспарланған.