№ 8 қалалық аурухананы қайта жаңғырту жобасын әзірлеу

Жобалау-сметалық құжаттама тек бұрынғы балалар ауруханасының жұмыс істемейтін ғимаратын қайта жаңғыртуға ғана емес, сонымен қатар жоба аяқталғаннан кейін ересектерге арналған аурухана болатын ғимараттың қабылдау бөлімшесін қоса салуға әзірленіп жатыр.

Аталған жоба № 8 қалалық аурухана базасында толыққанды медициналық кластер құруға мүмкіндік береді. Қайта жаңғыртудан кейінгі күтілетін нәтижелер:

• инфрақұрылымды жақсарту;
• медициналық қызметтердің сапасын арттыру;
• қызмет көрсету қабілеттілігін ұлғайту;
• күту уақытын қысқарту;
• пациенттердің қанағаттану деңгейін көтеру.

Аталған жоба бойынша мемлекеттік сараптама қорытындысы биылғы қазан айында күтілуде.