Алматы халықаралық әуежайында такси тарифтерін белгілеу ұсынылды

Алматы қаласының туризм жөніндегі кеңесі шеңберінде Алматы қаласының Кәсіпкерлер палатасы жанынан жұмыс тобы құрылды, оның құрамына Алматы қаласының Кәсіпкерлер палатасының, Авиациялық көлік прокуратурасының, Алматы қаласы Туризм басқармасының, Алматы қаласының халықаралық әуежайының, Алматы қаласының халықаралық әуежайының ЖПБ, Түрксіб ауданының  ЖПҚ АПБ, Алматы қаласының Мемлекеттік кірістер департаментінің, Алматы қаласының ІІД, Қазақстандық туристік қауымдастықтың, Алматы қаласы ЖСО өңірлік палатасының және
т.б. өкілдері кірді.

Екі апта бойы жұмыс тобы таксиге тапсырыс беру қызметтерін (AparuTaxi, Region, Yandex Taxi, Uber, Blue Sky Energy және т.б.) ұсынатын таксилердің құнын талдады, сапардың орташа бағасы есептелді. Жолаушылар тасымалы тарифтері келу пункті және такси санатына дейінгі қашықтыққа байланысты 1200-ден 12000 теңгеге дейін өзгереді. Ең жоғары құны әуежай терминалынан «Шымбұлақ» тау шаңғысы курортына дейінгі таксидің премиум сегментінде көрсетіледі.

Айта кету керек, бұл тұрақты баға емес, алайда жолаушылар үшін ұсынылатын баға, такси қызметтерінің құны ауа-райын, сұранысты және басқа деректерді ескере отырып өзгеруі мүмкін. Ұсынылған бағаларды ескере отырып, жолаушылар баға саясатын басшылыққа ала алады.

Туристер үшін аталған ұсыныстарды әзірлеудің мақсаты - жосықсыз такси жүргізушілерінің заңсыз әрекеттерін реттеу.

Бүгінде жұмыс тобы қалалық аймақтарды және ұсынылатын бағаларды қоса алғанда, ресми такси операторларының қызметтеріне тарифтерді көрсете отырып, ақпараттық стендтер және буклеттер әзірледі. Материалдар қазақ, орыс, ағылшын және қытай тілдерінде жарияланды. Толық қамту үшін ақпараттық стендтер Алматы қаласының халықаралық әуежайының терминалдарында ілінетін болады, Кедендік бақылау аймағында шетел азаматтарының паспорттарына ақпараттық қосымша парақтарды тарату көзделген. Сондай-ақ, қонақтар терминалдан шығатын туристік ақпараттық орталық тұғырынан толық ақпарат ала алады.