Алматы Шанхайда өткен ITB China 2026 халықаралық туристік көрмесіне қатысып, қаланың туристік әлеуетін таныстырды.

Көрме аясында халықаралық туроператорлармен, әуе компанияларымен және туристік платформалармен кездесулер өтіп, Алматының мәдени, гастрономиялық және тау туризмі бағыттары таныстырылды. Нәтижесінде ынтымақтастық туралы 5 меморандумға қол қойылды.

ITB China 2026 – Алматы биыл қатысып отырған үшінші халықаралық туристік көрме. Жалпы 2026 жылы қала туристік әлеуетін тоғыз халықаралық алаң мен роуд-шоу аясында таныстыруды жоспарлап отыр.

2025 жылдың қорытындысы бойынша Қытай Алматыға келетін туристер саны бойынша Ресейден кейін екінші орынға шықты. ҚХР-дан қалаға 136,4 мың турист келген.