Тарихи «алтын»: алматылық Богдан Неумывакин ушу-саньдадан жастар арасындағы әлем чемпионы атанды

2026 жылғы 23–30 наурыз аралығында Қытай Халық Республикасының Тяньцзинь қаласында ушу-саньдадан жастар арасындағы әлем чемпионаты өтті. Ауқымды халықаралық жарысқа әлемнің 78 елінен 1000-нан астам спортшы қатысып, турнирдің жоғары деңгейі мен маңызын айқындады.

Алматы қаласы Спорт басқармасының хабарлауынша, аталған чемпионатта Қазақстан құрамасы тарихи нәтижеге қол жеткізіп, алғаш рет жастар арасындағы әлем чемпионатында алтын медальдарға ие болды. Үш қазақстандық спортшы жеңіс тұғырынан көрінді, олардың қатарында 80 кг салмақ дәрежесінде топ жарған алматылық Богдан Неумывакин бар.

80 кг салмақ дәрежесінде өнер көрсеткен спортшы жарыс барысында барлық қарсыластарынан басым түсіп, жоғары шеберлік пен мықты дайындық деңгейін көрсетті. Әрбір жекпе-жекте сенімді өнер көрсеткен Богдан финалда да қарсыласына мүмкіндік қалдырмай, алтын медальді жеңіп алды.

Жарыс қорытындысы бойынша Богдан Неумывакин ушу-саньдадан жастар арасындағы әлем чемпионы атанып, ұлттық құраманың жалпы жетістігіне елеулі үлес қосты.

Алматылық спортшының бұл жеңісі — жүйелі дайындықтың, табанды еңбектің және бапкерлер құрамының кәсіби жұмысының нәтижесі. Бұл жетістік Қазақстан спортының халықаралық аренадағы беделін арттырып, жас спортшыларға үлкен мотивация береді.

Тарихи «алтын»: алматылық Богдан Неумывакин ушу-саньдадан жастар арасындағы әлем чемпионы атанды

Аталған чемпионатта Қазақстан құрамасы тарихи нәтижеге қол жеткізіп, алғаш рет жастар арасындағы әлем чемпионатында алтын медальдарға ие болды. Үш қазақстандық спортшы жеңіс тұғырынан көрінді, олардың қатарында 80 кг салмақ дәрежесінде топ жарған алматылық Богдан Неумывакин бар.