Тарихи сәт! Михаил Шайдоров Олимпиада ЧЕМПИОНЫ!

Алматылық спортшы, қазақстандық мәнерлеп сырғанаушы Михаил Шайдоров 2026 жылғы қысқы Олимпиада ойындарында ел қоржынына алғашқы медальді салды!

Қысқа бағдарламада 92.94 балл жинап, 5-орыннан көрінген Михаил еркін бағдарламада нағыз шеберлік пен қайсар мінез көрсетті. Күрделі элементтерді жоғары деңгейде орындап, 198,64 ұпай еншіледі. Қорытынды есепте 291,58 ұпаймен Олимпиада тұғырына көтерілді.

Бұл - тек бір спортшының жеңісі емес. Бұл - бүкіл елдің қуанышы, мыңдаған жанкүйердің сенімі мен қолдауының нәтижесі. Алматының мұз айдынынан басталған арман Олимпиада төрінде шындыққа айналды.

Бүгін Әнұранымыз асқақтап шырқалып, көк Туымыз биікке көтерілді! 🇰🇿

Қазақ елі, құттықтаймыз!
Біз сенімен мақтанамыз, Михаил!