Алматы қаласы әкімінің орынбасары Абзал Нүкенов МЖСШМ-дегі жаңа спорт нысанның құрылыс барысымен танысты

Алматы қаласында спорт инфрақұрылымын дамыту бағытында ауқымды жұмыстар жүргізілуде.

Қала әкімінің орынбасары Абзал Нүкенов іс-сапармен “Мамандырылған жоғары спорт шеберлігі мектебіне” (МЖСШМ) барып, мекеменің жұмысымен және жаңа спорт нысанның құрылыс барысымен танысты.

Жалпы ауданы 1 452 шаршы метрді құрайтын жаңа спорткешен МЖСШМ аумағында салынып жатыр. Нысан үш корпустан тұрады: әкімшілік ғимарат, бокс және күрес залдары, сондай-ақ заманауи өрмелеу қабырғасы (скалодром). Аталмыш кешен спортшыларға қолайлы жағдай жасауға және оқу-жаттығу үдерісін жетілдіруге бағытталған.

Сапар барысында Абзал Нүкенов оқу-жаттығу залдарын аралап, мектеп басшылығымен кездесті, сондай-ақ құрылыс жұмыстарының сапасымен танысты.

Спорт нысандарының құрылысы Елбасы Қасым-Жомарт Тоқаевтың бұқаралық спортты дамыту және өңірлердегі спорт инфрақұрылымын нығайту тапсырмалары аясында жүзеге асырылуда.

Алматы қаласы Спорт басқармасының мәліметінше, құрылыс 2026 жылдың екінші жартысында аяқталады. Нысан пайдалануға берілгеннен кейін МЖСШМ инфрақұрылымының маңызды бөлігіне айналып, қаланың спорт әлеуетін арттыруға ықпал ететін болады.