Мемлекеттік қызметшілердің әдеп және тәртіп мәселелері жөніндегі кеңейтілген отырыс туралы есеп

2025 жылғы 27 ақпанда Алматы қаласы бойынша Тексеру комиссиясында Әдеп жөніндегі уәкілі – аппарат басшысы Ж.К. Керимбековтің төрағалығымен кеңейтілген отырыс өтті.

Отырыс барысында дресс-кодты сақтау, әлеуметтік желілердегі мінез-құлық нормалары, мемлекеттік тілді қолдану, сондай-ақ сыбайлас жемқорлыққа қарсы шараларды күшейту мәселелері қаралды.

«Сыбайлас жемқорлыққа мүлдем төзбеушілік» қағидатын қатаң сақтау қажеттілігіне, сондай-ақ белгіленген мінез-құлық стандарттарын сақтау және анықталған бұзушылықтарға уақытылы әрекет ету қажеттілігіне ерекше назар аударылды.

Әдеп нормаларын сақтаудың, ұжымда жоғары моральдық-адамгершілік ахуалды қалыптастырудың маңыздылығы атап өтілді, бұл мемлекеттік қызметтің имиджін нығайтуға және азаматтардың сенімін арттыруға ықпал етеді.

Сонымен қатар, мүдделер қақтығысының алдын алу бойынша қосымша түсіндіру іс-шаралары жүргізілді. Сондай-ақ жол берілген бұзушылықтар үшін әкімшілік жауапкершілік қарастырылатыны ескертілді.

Отырыс соңында қатысушыларға қызметтік әдеп нормаларын қатаң сақтауды қамтамасыз ету және жұмыс тиімділігін арттыру мақсатында қаралған мәселелердің әрқайсысы бойынша тиісті тапсырмалар берілді.