Орта білім беру ұйымдарында (оның ішінде мектептерде) еңбекақы төлеуге және тамақтандыруға бөлінген бюджет қаражатының тиімді жұмсалуына жүргізілген аудиттің қорытындысы

Алматы қаласы бойынша Тексеру комиссиясының отырысында «Алматы қаласы Білім басқармасы» КММ-де және 31 орта білім беру ұйымында (оның ішінде мектептерде) жүргізілген «Жалақы төлеуге бағытталған бюджеттік қаражатты пайдалану тиімділігінің мемлекеттік аудиті, ведомстволық бағынысты білім беру ұйымдарында білім алушыларды тамақтандыруды ұйымдастыру, сондай-ақ оқушы орындарының тапшылығын және орта білім беру объектілерін жан басына шаққандағы қаржыландыруды талдау» атты аудиторлық іс-шараның қорытындылары шығарылды.

         Аудит нәтижелері бойынша барлығы 31 106 007,2 мың теңге сомасына бұзушылықтар анықталды, оның ішінде:

қаржылық бұзушылықтар – 70 601,7 мың теңге;

бюджет қаражатын пайдалану кезіндегі тиімсіз жоспарлау 21 588 468,3 мың теңге;

бюджет қаражатын тиімсіз пайдалану 9 446 937,2 мың теңге;

процедуралық бұзушылықтар 179 бірлік;

жүйелік кемшілік 2 бірлік.

         Мемлекеттік аудит барысында жан басына шаққандағы нормативтік қаржыландыру әдістемесінің сақталмауы, шығыстарды жоспарлауда бірыңғай тәсілдің болмауы, сондай-ақ есептік нормативтік шектер бола тұра қаражатты қайта бөлу фактілері анықталды.

         Аталған бұзушылықтар ағымдағы шығыстардың өсуіне, күрделі шығындардың қайталануына, еңбекақы қоры бойынша қосымша қаржыландыруға жасанды қажеттіліктің қалыптасуына әкелген.

         Аудиторлық іс-шара қорытындысы бойынша аудит объектілеріне анықталған кемшіліктер мен бұзушылықтарды жою жөнінде тиісті шаралар қабылдау тапсырылды.

 

         Аудиторлық қорытындымен танысу үшін төмендегі сілтеме арқылы өту қажет.

https://www.gov.kz/memleket/entities/almaty-revcomkz/documents/details/940924?lang=kk