Аудан аумағын аралау барысында инфрақұрылымдық жобалардың іске асырылу барысы тексерілді

Аудандағы бірқатар нысандарды аралап, жұмыс қарқыны және ауданның санитарлық жағдайын тексеріп қайттық.

Алғашқы нысан — Строительная көшесі. Бүгіннен бастап мұнда Батыс канализациялық коллектор құрылысына байланысты уақытша жол қозғалысына шектеу енгізілді. Жұмыстар 10 маусымға дейін жалғасады. Келесі кезекте Әшімов көшесін қарадық — мұнда арық жүйесін қайта жаңғырту және тротуар салу жұмыстары жүргізілуде. Сонымен қатар, іргелес аумақтарды ретке келтіру қолға алынған. Сондай-ақ, Шаляпин көшесіне бардық. Абаттандыру мәселелері талқыланды. Аялдама кешендерінің жағдайы, оларды жаңартып, сырлау қажеттігі, сондай-ақ буферлік аймақтар мен жаяу жүргіншілер кеңістігін жақсарту мәселелері көтерілді. Барлық ескертулер тіркелді. Жұмыстар бақылауда, ескертулерге сай тиісті шаралар қабылданатын болады.