Наурызбай ауданының «Арай» ансамблі халықаралық фестивальде Гран-при жеңіп алды !!!

Наурызбай ауданының «Арай» ардагерлер ансамблі аудан намысын халықаралық деңгейде қорғады.

Қытай мен Қазақстан арасындағы аға буын өкілдеріне арналған халықаралық мәдени алмасу аясында өткен «Музыка мен би әлемі – 2026» халықаралық мәдениет және өнер фестивалінде «Арай» ансамблі Гран-при жүлдесіне ие болды. 18 шығармашылық ұжымның арасынан Наурызбай ауданының өнерпаздары үздік деп танылып, Гран-при иеленді. Сондай-ақ ансамбльдің әрбір қатысушысына алғыс хат және мен медаль табысталды.

Бұл жеңіс - өнердің жас талғамайтынын тағы бір мәрте дәлелдеді. Аға буын — өмірлік тәжірибесімен, рухани қуатымен және белсенділігімен баршамызға үлгі. Ардагерлерге қолдау көрсету — ұлттық құндылықтарды сақтауға, ұрпақтар сабақтастығын нығайтуға және ауданның рухани өмірін дамытуға қосылған маңызды үлес. «Арай» ансамблімен әрқашан мақтанамыз.