Әр аулада — жайлылық: Наурызбай ауданы көркейіп келеді !!!

⚡ Наурызбай ауданы дамып келеді!

Ауданымызда қоғамдық кеңістіктерді абаттандыру және жайлы орта құру жұмыстары қарқынды жүргізілуде.
2025 жылы ағымдағы жөндеу және Халық қатысатын бюджет жобалары аясында аудан бойынша 47 аула толық жөндеуден өтті.

Сонымен қатар, Халық қатысатын бюджет жобасы аясында Ұлықбек көшесінде жаңа қоғамдық кеңістік бой көтерді. Аудан тұрғындары арасында ең танымал жобалардың бірі – №200 мектептің қасында орналасқан кеңістік, онда серуендейтін, спорт және ойын алаңдары жаңартылды.

🏘️ Сонымен қатар, 38 көпқабатты үйге архитектуралық жарықтандыру орнатылды, бұл ауданның көркемдігін арттырып, түнгі уақытты да қауіпсіз әрі жайлы етеді.

Наурызбай ауданы тұрғындарға ыңғайлы, заманауи және қауіпсіз орта қалыптастыруға бағытталған жобаларды әрі қарай да қарқынды жүзеге асыруда.