"Белсенді ұзақ өмір сүру орталығы" ардагерлері KazGASA колледжінің студенттерімен кездесті

Наурызбай ауданының "Белсенді ұзақ өмір сүру орталығы" ардагерлерінің түрлі саладағы кәсіби тәжірибесі мен әлеуетін тиімді пайдалану мақсатында KazGASA колледжінің студенттерімен кездесу ұйымдастырылды. ⠀ Кездесу барысында ардагерлер өздерінің өмірлік жолы мен кәсіби тәжірибелерімен бөлісіп, жастарға бағыт-бағдар берді. Олар еңбекке деген құрмет, жауапкершілік, табандылық пен адалдық туралы тағылымды әңгіме қозғады. ⠀ Мұндай кездесулер жас ұрпақ үшін баға жетпес рухани азық. Ардагерлердің шынайы әңгімелері мен өмірлік тәжірибесі студенттерге үлкен серпін беріп, болашаққа нық қадам жасауға жігер сыйлайды.