Медеу ауданы әкімінің «AMANAT» партиясының сайлауалды бағдарламасының Жол картасын орындау жөніндегі есебі
«AMANAT» партиясының Медеу аудандық филиалында отырыс өтті, оның барысында Медеу ауданының әкімі Еркебұлан Оразалиннің партияның сайлауалды бағдарламасының Жол картасын орындау жөніндегі есебі тыңдалды.
Ағымдағы жылдың 10 айында өнеркәсіптік өндіріс 4,3%-ға өсіп, 119,6 млрд теңгені құрады. Белсенді жұмыс істеп тұрған ШОБ субъектілерінің саны 43 мың бірлікті құрады, шамамен 4 826 жаңа тұрақты жұмыс орны құрылды, салық түсімдері 1,1 трлн теңгені құрады.
«Каменское плато», «Көлсай», «Мұзтау» және «Юбилейный» шағын аудандарының тұрғындарын тұрақты сумен қамтамасыз ету үшін қала әкімінің тапсырмасы бойынша ТЖ желісі бойынша 3 жаңа ұңғыманың құрылысы және жалпы көлемі 500 текше метр 3 қолданыстағы ұңғыманың реконструкциясы, жалпы көлемі 7,3 мың текше метр 7 резервуардың құрылысы жүргізілуде. Жұмыстарды аяқтау биылғы жылдың соңына дейін жоспарланған.
Сыртқы жарықтандыруды қамтамасыз етуді орындау жөніндегі жол картасы шеңберінде ағымдағы жылдың 1 қарашасында «Алматы Қала Жарық» МКК-мен ұзындығы 280,39 км және 17 769 жарық нүктесі желілеріне қызмет көрсету мен жөндеуге шарт жасалды. Бүгінгі таңда 372 шамды жөндеу жұмыстары жүргізілді, 49 кабель желісінің үзілуі және 47 жерде кабельдік тұйықталу жойылды.
Жайлы қалалық ортаны құру үшін биылғы жылы Ғылым Ордасының жанындағы Шевченко көшесіндегі 3 гүлзар жаңартылып, «Самал-1» шағын ауданындағы 2 гүлзар қайта жаңартылып, «Алатау» шағын ауданында коньки паркі салынады. Сондай-ақ, Достық даңғылынан «Есентай» өзеніне дейін Оспанов көшесінде жаяу жүргіншілер аймағын құру жұмыстары аяқталуда, оның бойында граффитимен боялған қабырға орнатылған.
Бұдан басқа, ағымдағы жөндеу және «Халық қатысатын бюджет» бағдарламасы бойынша 166 жоба іске асырылуда. Осы бағдарламалар аясында биыл 107 аула аумағы абаттандырылады (ауданда барлығы 536 аула), 13 жер үсті және жаяу жүргіншілер өткелі жөнделеді, тұрғын үйлердің 23 қасбеті жаңартылады және т.б.