Алматыда Жексембек Еркімбековтің құрметіне арналған мемориалдық тақтаның салтанатты ашылуы өтті

Алматыда көрнекті мемлекет және қоғам қайраткері Жексембек Еркімбековтің құрметіне арналған мемориалдық тақтаның салтанатты ашылуы өтті. Қарасай батыр, 33 мекен-жайындағы үйдің қасбетіне ескерткіш тақта орнатылды. Онда ол 46 жыл тұрды.

⠀

«Жексембек Еркімбеков мәдениет пен өнер саласында танымал музыкант және талантты ұйымдастырушы болды. Ол ұлттық мәдениет пен өнердің дамуына үлкен үлес қосты. Оның еңбегі мен жарқын бейнесі біздің жадымызда мәңгі қалады», - деп атап өтті Медеу ауданы аппаратының басшысы Бекжан Қуанышев құттықтау сөзінде.

⠀

Жексембек Еркімбеков 1930 жылы Алматы облысы Ескелді ауданы Бигаш ауылында дүниеге келген. Қазақ радиосы және Құрманғазы атындағы комитет жанындағы халық аспаптар оркестрлеріндегі еңбек қызметі.

⠀

Алматы хореографиялық училищесінің директоры, Қазақ радиосының музыкалық редакциясының, ҚазССР ән және би ансамблінің көркемдік жетекшісі болып жұмыс істеді. Абай атындағы Мемлекеттік академиялық опера және балет театрын басқарды.

⠀

1976 жылдан 1987 жылға дейін ҚазССР Мәдениет министрі қызметін атқарды. Бұл орында Қазақстанның мәдениеті мен өнерінің дамуына зор үлес қосты. Оның жұмысы барысында ансамбльдер мен оркестрлер құрылып, жаңа театрлар, филармониялар, кітапханалар, мәдениет үйлері, жылжымалы автоклубтар мен автомузейлер ашылды. Жалпы еліміз бойынша 200-ден астам мәдениет мекемелері құрылды.