Медеу ауданында қоғамдық кеңістік жаңартылды

«Халық қатысатын бюджет» бағдарламасы аясында «Медиктер» аллеясын қайта жаңғырту жұмыстары аяқталды.

Жоба аясында аумақты кешенді абаттандыру жұмыстары жүргізілді. Тұрғындарға қолайлы жағдай жасау мақсатында жалпы аумағы 320 шаршы метрді құрайтын жаңа жаяу жүргіншілер жолдары төселіп, қоршаулар, заманауи сыртқы жарықтандыру бағандары, көше шамдары, орындықтар мен қоқыс жәшіктері орнатылды.

Аумақты көгалдандыруға ерекше назар аударылды. Аллеяда 2 700 шаршы метр аумаққа көгал егілді, сондай-ақ 260 бұта отырғызылды. Бұл тұрғындардың демалысына қолайлы әрі экологиялық жағынан тартымды орта қалыптастыруға мүмкіндік береді.

Жүргізілген қайта жаңғырту жұмыстары қалалық ортаның сапасын арттыруға және барлық жастағы тұрғындардың серуендеуі мен демалуына қолайлы жағдай жасауға бағытталған.