"Халықаралық тағылымдама - педагог біліктілігін арттыру тәсілі ретінде" қалалық семинары

"Халықаралық тағылымдама - педагог біліктілігін арттыру тәсілі ретінде" қалалық семинары

2023 жылғы 28 қарашада "Алматы сервистік қызмет көрсету колледжі" базасында шетелде тағылымдамадан өткен педагогтердің ұйымдастыруымен қалалық семинар өткізілді.

Семинардың ұйымдастырушылары: Алматы қаласы білім басқармасы, Қалалық білім берудегі жаңа технологиялардың ғылыми-әдістемелік орталығының Техникалық және кәсіптік білім беру бөлімі және колледж ұжымы.

Семинардың мақсаты: педагогтің кәсіби деңгейін арттыру, ойлау қабілетін кеңейту, әріптестерімен тәжірибе алмасу, сондай-ақ педагогикалық практикада қолдануға болатын жаңа білім мен дағдыларды игеру.

Шетелдік тағылымдамадан 2 арнайы пән оқытушысы, 7 өндірістік оқыту шебері және 1 директордың өндірістік оқыту жөніндегі орынбасары тамақтандыруды ұйымдастыру, қонақ үй және мейрамхана бизнесі, тамақтану саласында қызмет көрсетуді ұйымдастыру құзіреттіліктері бойынша өтті.

Күтілетін нәтиже:

• Колледждің білім беру процесіне тағылымдамадан алған білімі мен дағдыларын енгізу.
• Оқу кезеңінде алған білімдері мен дағдыларын колледж қызметкерлерімен алмасу және Алматы қаласының техникалық және кәсіптік білім беру жүйесінде іске асыру.
• Тамақтануды ұйымдастыру, Қонақ үй және мейрамхана бизнесі, тамақтану саласында қызмет көрсетуді ұйымдастыру құзіреттіліктері бойынша жобалар әзірлеу.

Семинарға Алматы қаласы колледждері директорларының өндірістік оқыту бойынша орынбасарлары, әдіскерлері, арнайы пәндер оқытушылары және өндірістік оқыту шеберлері қатысты.

Семинар екі кезеңде өтті: теориялық және практикалық. Теориялық бөлімде спикерлер Германиядағы және Швейцарияның білім беру жүйесі туралы дуальды білім беру тәжірибесімен бөліссе, практикалық бөлімде дәстүрлі швейцариялық мәзір өндірісінде алған тәжірибелерін көрсетті.