Әр мектептің балалар өкілі Білім министрлігімен тікелей байланыста болады

Мектеп оқушылары мен колледж студенттері арасынан Балалар өкілі сайланды. Енді олар әр мектепте балалардың құқықтарын қорғау мәселелерімен айналысады.

Белсенді балалар барлық өзекті мәселе бойынша Қазақстан Республикасы Білім және ғылым министрлігі Балалардың құқықтарын қорғау комитетімен тікелей байланыста болады.

«Біз үшін балалармен тікелей жұмыс жасап, оларды қандай сұрақтар қызықтыратынын, өз деңгейлерінде қандай проблемаларды анықтайтынын біліп, өтініштеріне жауап беру маңызды. Елімізде белсенді азаматтық ұстанымы бар әрі өз пікірлерін ашық айта алатын, достарының бастамаларын қолдай алатын балалар мен жасөспірімдердің қатары қалың. Балалар өкілдерінің барлығы біздің чатта тіркелетін болады. Олар мектепте орын алған түрлі оқиғалар туралы хабарлап, мемлекеттік органдар мен ұйымдардың жұмысын жақсарту бойынша өз идеяларын, ұсыныстарын жеткізе алады», – деп атап өтті Балалардың құқықтарын қорғау Комитеті төрағасының орынбасары Юлия Овечкина.