Алматы колледждері құқықтық сауаттылық мәселелерін талқылады

Қазақстан Республикасының Конституциясына 30 жыл толуына орай Алматы қаласы Білім басқармасының қолдауымен ЖШС «Әділет» колледжінде техникалық және кәсіптік білім беру (ТжКББ) ұйымдарының тәрбие ісі жөніндегі директор орынбасарларына арналған қалалық семинар-тренинг өткізілді. Іс-шараға Алматы қаласындағы колледждердің 60-тан астам өкілі қатысты.
Іс-шара тақырыбы: «Конституциялық құқық және құқықтық тәрбие: білім беру жүйесінің міндеттері»
Семинардың мақсаты – педагог кадрлардың құқықтық сауаттылығы мен құқықтық санасын арттыру, құқықтық тәрбиенің өзекті мәселелерін талқылау, жастардың құқықтық мәдениеті мен азаматтық жауапкершілігін қалыптастырудағы білім беру ұйымдарының рөлін айқындау.
Негізгі талқыланған мәселелер:
• білім беру процесіне қатысушылардың құқықтары мен міндеттері;
• буллинг пен кибербуллингтің алдын алу;
• құқықтық тәрбиенің практикалық құралдары.
Семинар педагогтар, сарапшылар және құқық қорғау органдары өкілдері үшін тәжірибе алмасу мен құқықтық тәрбие саласындағы шешімдерді іздеудің маңызды алаңына айналды.